മനാമ: ബഹ്റൈൻ വിദേശകാര്യമന്ത്രി ശൈഖ് ഖാലിദ് ബിൻ അഹ്മദ് ബിൻ മുഹമ്മദ് ആൽ ഖലീഫ ലെബനീസ് റിപ്പബ്ലികിലെ ബെയ ്റൂട്ടിൽ നടക്കുന്ന അറബ് സാമ്പത്തിക, സാമൂഹിക വികസന സമ്മേളനത്തിൽ സംബന്ധിച്ചു. കഴിഞ്ഞ ദിവസം ബെയ്റൂട്ടിൽ എത്തിയ വിദേശകാര്യമന്ത്രി െലബനീസ് പ്രധാനമന്ത്രി സാദ് അൽ ഹാരിരിക്കായുള്ള ബഹ്റൈൻ രാജാവ് ഹമദ് ബിൻ ഇൗസ ആൽ ഖലീഫ, പ്രധാനമന്ത്രി പ്രിൻസ് ഖലീഫ ബിൻ സൽമാൻ ആൽ ഖലീഫ,
കിരീടാവകാശിയും ഒന്നാം ഉപ പ്രധാനമന്ത്രിയുമായ പ്രിൻസ് സൽമാൻ ബിൻ ഹമദ് ആൽ ഖലീഫ എന്നിവരുടെ ആശംസ സന്ദേശങ്ങൾ വിദേശകാര്യമന്ത്രി ശൈഖ് ഖാലിദ് കൈമാറി. ലെബനീസ് ഗവൺമെൻറിനും ഭരണാധികാരികൾക്കും ജനങ്ങൾക്കും ക്ഷേമവും പുരോഗതിയും ആശംസസന്ദേശങ്ങളിൽ നേർന്നിരുന്നു. ബഹ്റൈൻ ഭരണാധികാരികൾക്കും ജനതക്കും െലബനീസ് പ്രധാനമന്ത്രിയും ആശംസകൾ നേർന്നു.
വിദേശകാര്യമന്ത്രി ശൈഖ് ഖാലിദിന് പ്രൗഡമാർന്ന സ്വീകരണമാണ് രാജ്യത്ത് ലഭിച്ചത്.
സ്വീകരണ ചടങ്ങിൽ ഇരുരാജ്യങ്ങളുടെയും ദേശീയഗാനാലാപനവും നടന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.