മനാമ: ഇൻറർനാഷണൽ ക്വിസ്സിംഗ് അസോസിയേഷൻ ക്യു ഫാക്ടറിയുമായി സംയുക്തമായി നടത്തുന്ന ലോക ക്വിസ് ചാമ്പ്യൻഷിപ്പ് (ഡബ്ലി.ക്യു.സി) ജൂൺ ഒന്നിന് നടക്കും. കേരള കാത്തലിക്ക് അസോസിയേഷൻ സുവർണ്ണ ജൂബിലി ആഘോഷിക്കുന്ന സന്ദർഭത്തിൽ അവരുടെയും സ്റ്റെപ് അക്കാഡമിയുടെയും സഹകരണത്തോടെയാണ് ബഹ്റൈനിൽ ഇത്തരമൊരു മത്സരം നടക്കുന്നതെന്നും സംഘാടകർ പറഞ്ഞു. സഗയ്യ കെ.സി.എ വി.കെ.എൽ ഓഡിറ്റോറിയത്തിൽ നടക്കുന്ന മത്സരത്തിൽ പങ്കെടുക്കുന്നതിന് പ്രായപരിധിയോ യോഗ്യതകളോ ഉണ്ടായിരിക്കുന്നതല്ല.
ഈ ക്വിസ് വിജയകരമായി പൂർത്തിയാക്കുന്നവർക്ക് ലോകചാമ്പ്യൻഷിപ്പിൽ സ്വന്തം രാജ്യത്തിനെ പ്രതിനിധീകരിക്കാൻ അവസരം ലഭിക്കും. രജിസ്ട്രേഷനുള്ള അവസാന ദിവസം മേയ് 28 ആണ്. ഫോൺ: 36939596, +97336800676, 39300835. ലോകക്വിസ് ഭൂപടത്തിൽ ബഹ്റൈനെ അടയാളപ്പെടുത്തുന്ന ചരിത്രമത്സരതിെൻറ സംഘാടകരായതിൽ അഭിമാനമുണ്ടെന്ന് സ്റ്റെപ്പ് ഇൻസ്റ്റിറ്റ്യൂട്ട് മേധാവി അനീഷ് നിർമലൻ അറിയിച്ചു. വാർത്താസമ്മേളനത്തിൽ കെ സി എ പ്രസിഡൻറ്സേവി മാത്തുണ്ണി, ജനറൽ സെക്രട്ടറി വർഗീസ് ജോസഫ്, പി പി ചാക്കുണ്ണി, എബ്രഹാം ജോൺ, വർഗീസ് കാരക്കൽ എന്നിവരും പെങ്കടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.