മനാമ: ബഹ്റൈൻ^കെനിയ സൗഹൃദ സഹകരണ ചർച്ച നടന്നു. വിദേശകാര്യ മന്ത്രാലയം ജനറൽ കോർട്ടിൽ നടന്ന ചർച്ചയിൽ വിദേശകാര്യ മന്ത്രാലയത്തിലെ അണ്ടർസെക്രട്ടറി (അന്താരാഷ്ട്രകാര്യ) ഡോ.ശൈഖ അബ്ദുല്ല ബിൻ അഹ്മദ് ആൽ ഖലീഫ അധ്യക്ഷത വഹിച്ചു. മേഖലയിലെയും അന്താരാഷ്ട്രതലത്തിലുള്ളതുമായ സമകാലിക വികസനവും ഇരുരാജ്യങ്ങളുടെ സഹകരണവും വികസനവും ചർച്ചയിൽ കടന്നുവന്നു.
കെനിയയുമായി സഹകരണം വർധിപ്പിക്കുന്നതിലും അതുവഴി ഇരുരാജ്യങ്ങൾക്ക് ഉണ്ടാകുന്ന നേട്ടങ്ങളെക്കുറിച്ചും ഡോ.ശൈഖ പറഞ്ഞു. 2018 ഫെബ്രുവരിയിൽ പ്രധാനമന്ത്രി പ്രിൻസ് ഖലീഫ ബിൻ സൽമാൻ ആൽ ഖലീഫ കെനിയയിൽ നടത്തിയ സന്ദർശനത്തെക്കുറിച്ചും, സന്ദർശനം ഇരുരാജ്യങ്ങളും തമ്മിലുള്ള സഹകരണം ശക്തമാക്കിയതായും അവർ വ്യക്തമാക്കി. ഹമദ് രാജാവിെൻറ നേതൃത്വത്തിൽ ബഹ്റൈൻ വികസനവും നേട്ടവും കൈ വരിച്ചിരിക്കുന്നു. സഹിഷ്ണുത, സ്വാതന്ത്ര്യം, സ്ത്രീ പങ്കാളിത്തം, സുസ്ഥിര വികസനം എന്നിവയിലൂടെ ബഹ്റൈൻ മാതൃകയാണ്. ബഹ്റൈനിൽ സംരംകത്വത്തിനുള്ള സാഹചര്യം ഏറെയുള്ളതിനാൽ നിലവിലുള്ള വിവിധ നിക്ഷേപ അവസരങ്ങളെക്കുറിച്ചും ഡോ. ശൈഖ വിശദീകരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.