മനാമ: കോള്ഡ് സ്റ്റോര് കേന്ദ്രീകരിച്ച് മദ്യക്കച്ചവടം നടത്തിയ പ്രതിയെ പൊലീസ് പിടികൂടി. ഷാക്കൂറയിലെ ഒരു കോള്ഡ് സ്റ്റോറിലാണ് ഏഷ്യക്കാർ മദ്യക്കച്ചവടം പൊടിപൊടിച്ചിരുന്നത്. മറ്റ് ഉപഭോക്താക്കള് കാണാത്ത വിധമാണ് മദ്യം ഒളിപ്പിച്ച് സൂക്ഷിച്ചിരുന്നത്. ഒരു എഷ്യക്കാരെൻറ സഹായത്തോടെ ഉപഭോക്താവെന്ന വ്യാജേനയാണ് ഇത് അധികൃതര് പിടികൂടിയത്.
ഇയാള്ക്ക് പിറകെ പൊലീസും എത്തിയതോടെ കൈയോടെ പ്രതി പിടികൂടപ്പെടുകയായിരുന്നു. കോള്ഡ് സ്റ്റോറിലെ വിവിധ ഇടങ്ങളില് നിന്നായി 52 കുപ്പി മദ്യം പിടിച്ചെടുത്തിട്ടുണ്ട്. ഇടപാട് നടത്തിയ 18 ദിനാറും കണ്ടെടുത്തു. 800 ഫില്സ് മുതലാണ് ഇവക്ക് വില ഈടാക്കിയിരുന്നത്. പ്രതിയെ തുടര് നടപടികള്ക്കായി പബ്ലിക് പ്രോസിക്യൂഷന് കൈമാറിയിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.