മനാമ: ബഹ്റൈൻ ഇന്റർനാഷനൽ എൻഡ്യൂറൻസ് സീസണിന് തുടക്കം കുറിച്ചുകൊണ്ട് ബഹ്റൈൻ റോയൽ ഇക്വസ്ട്രിയൻ ആൻഡ് എൻഡ്യൂറൻസ് ഫെഡറേഷൻ സംഘടിപ്പിച്ച കുതിരയോട്ട മത്സരങ്ങൾക്ക് ആവേശകരമായ പ്രതികരണം. 40 കിലോമീറ്റർ, 80 കിലോമീറ്റർ പ്രാദേശിക യോഗ്യത മത്സരങ്ങളും 100 കിലോമീറ്റർ അന്താരാഷ്ട്ര യോഗ്യത മത്സരവുമാണ് എൻഡ്യൂറൻസ് വില്ലേജിൽ നടന്നത്.
സുപ്രീം കൗൺസിൽ ഫോർ യൂത്ത് ആൻഡ് സ്പോർട്സ് (എസ്.സി.വൈ.എസ്) സെക്രട്ടറി ജനറൽ അയ്മൻ ബിൻ തൗഫീഖ് അൽ മൊയ്യെദ് 40 കിലോമീറ്റർ ഓട്ടത്തിൽ പങ്കെടുത്തു.
100 കിലോമീറ്റർ അന്താരാഷ്ട്ര യോഗ്യത മത്സരത്തിൽ ‘ടീം വിക്ടോറിയസ്’ ഒന്നാം സ്ഥാനം കരസ്ഥമാക്കി. 100 കിലോമീറ്റർ അന്താരാഷ്ട്ര മത്സരവും 80 കിലോമീറ്റർ ഓട്ടവും മൂന്നു ഘട്ടങ്ങളായാണ് നടന്നത്. 40 കിലോമീറ്റർ മത്സരം ഒറ്റ ഘട്ടമായി നടന്നു.
രാജ്യമെമ്പാടുമുള്ള കുതിരയോട്ടക്കാരുടെ വിപുലമായ പങ്കാളിത്തമുണ്ടായതിൽ ബഹ്റൈൻ റോയൽ ഇക്വസ്ട്രിയൻ ആൻഡ് എൻഡ്യൂറൻസ് ഫെഡറേഷൻ അഭിനന്ദനമറിയിച്ചു. എല്ലാ റൈഡർമാർക്കും വിജയാശംസകൾ നേരുകയും ചെയ്തു. യോഗ്യത മത്സരങ്ങളിൽനിന്ന് നേടിയ അനുഭവസമ്പത്ത് ഭാവി മത്സരങ്ങൾക്കുള്ള നിർണായക തയാറെടുപ്പാകുമെന്ന് റൈഡർമാർ പറഞ്ഞു. പരിപാടി വിജയകരമായി നടത്തിയ ഫെഡറേഷനെയും സംഘാടക സമിതിയെയും അവർ നന്ദി അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.