മനാമ: സതേൺ മുനിസിപ്പാലിറ്റി-ബഹ്റൈന്റെ ആഭിമുഖ്യത്തിൽ ക്ലീൻ അപ് ബഹ്റൈൻ ടീം, ട്രീ പ്ലാന്റിങ് മെഗാ കാമ്പയിൻ സംഘടിപ്പിച്ചു. പരിപാടി സതേൺ മുനിസിപ്പൽ കൗൺസിൽ ചെയർമാൻ അബ്ദുല്ല ഇബ്രാഹിം അബ്ദുൾ ലത്തീഫ് ഉദ്ഘാടനം ചെയ്തു.
കാമ്പയിനിന്റെ ഭാഗമായി ക്ലീൻഅപ് ബഹ്റൈനിൽനിന്നുള്ള 50 ഓളം സന്നദ്ധപ്രവർത്തകർ റിഫയിലെ അൽ എസ്തിഖ്ലാൽ വാക്ക്വേയിൽ 200 ഓളം മരത്തൈകൾ നട്ടുപിടിപ്പിച്ചു. ലൈറ്റ്സ് ഓഫ് കൈൻഡ്നസ് സ്ഥാപകൻ സയിദ് ഹനീഫയുടെ നേതൃത്വത്തിലുള്ള സംഘവും കാമ്പയിനിന്റെ ഭാഗമായി. കാമ്പയിനുശേഷം എല്ലാ സന്നദ്ധ പ്രവർത്തകർക്കും സാമൂഹിക പ്രതിബദ്ധതക്കുള്ള അഭിനന്ദന സൂചകമായി ചെടികൾ സമ്മാനമായി നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.