റയ്യാൻ സ്റ്റഡി സെന്ററിന്റെ നേതൃത്വത്തിൽ ഈസ ടൗൺ അൽ
ഇഹ്സാൻ സെന്ററിൽ ഡോ. ജൗഹർ മുനവ്വിർ സംസാരിക്കുന്നു
മനാമ: ഏതൊരു ഉൽപന്നത്തിനും അതിന്റെ ഉപയോഗത്തെ വിശദീകരിക്കുന്ന യൂസർ മാന്വൽ ഉള്ളതുപോലെ ഒരു മനുഷ്യന്റെ ജീവിതം എങ്ങനെ ക്രമപ്പെടുത്തണമെന്ന് നിർദേശിക്കുന്ന ഒന്നാണ് പരിശുദ്ധ ഖുർആനെന്ന് ഡോ. ജൗഹർ മുനവ്വിർ പറഞ്ഞു.
റയ്യാൻ സ്റ്റഡി സെന്ററിന്റെ നേതൃത്വത്തിൽ നടന്നുവരുന്ന പ്രഭാഷണ പരിപാടികളുടെ ഭാഗമായി ഈസ ടൗൺ അൽ ഇഹ്സാൻ സെന്ററിൽ ഖുർആൻ പഠനവുമായി ബന്ധപ്പെട്ട് ‘ഈ ഗ്രന്ഥം നിങ്ങൾ അറിഞ്ഞുവോ?’ വിഷയത്തിൽ പ്രഭാഷണം നടത്തുകയായിരുന്നു അദ്ദേഹം.
ഖുർആന്റെ വെളിച്ചത്തിൽനിന്നും അകന്നുള്ളൊരു ജീവിതം ഒരു വിശ്വാസിക്കും അഭികാമ്യമല്ലെന്നും നമുക്ക് നൽകപ്പെട്ട സൗകര്യം പരമാവധി ഉപയോഗിച്ചുകൊണ്ട് അത് കരസ്ഥമാക്കാൻ ഓരോ വിശ്വാസിയും പ്രയത്നിക്കണമെന്നും അദ്ദേഹം കൂട്ടിച്ചേർത്തു. ജനറൽ സെക്രട്ടറി രിസാലുദ്ദീൻ അധ്യക്ഷത വഹിച്ചു. സമീർ ഫാറൂഖി സ്വാഗതവും റഷീദ് മാഹി നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.