ബഹ്​റൈനി വനിതകൾ കൈവരിച്ചത്​ ശ്രദ്ധേയ നേട്ടം –ഡോ. ഇബ്​തിസാം മുഹമ്മദ്

മ​നാ​മ: ആ​ഭ്യ​ന്ത​ര, അ​ന്താ​രാ​ഷ്​​ട്ര ത​ല​ങ്ങ​ളി​ൽ ബ​ഹ്​​റൈ​നി വ​നി​ത​ക​ൾ കൈ​വ​രി​ച്ച​ത്​ ശ്ര​ദ്ധേ​യ നേ​ട്ട​മെ​ന്ന്​ ശൂ​റ കൗ​ൺ​സി​ലി​ലെ വി​മ​ൻ ആ​ൻ​ഡ്​​ ചൈ​ൽ​ഡ്​ അ​ഫ​യേ​ഴ്​​സ്​ ക​മ്മി​റ്റി അ​ധ്യ​ക്ഷ ഡോ. ​ഇ​ബ്​​തി​സാം മു​ഹ​മ്മ​ദ്​ സാ​ലെ​ഹ്​ അ​ൽ ദ​ലാ​ൽ പ​റ​ഞ്ഞു. വ​നി​താ രാ​ഷ്​​ട്രീ​യ നേ​താ​ക്ക​ളു​ടെ ഉ​ച്ച​കോ​ടി​യി​ൽ സം​സാ​രി​ക്കു​ക​യാ​യി​രു​ന്നു അ​വ​ർ.

വി​വി​ധ മേ​ഖ​ല​ക​ളി​ലെ ബ​ഹ്​​റൈ​നി വ​നി​ത​ക​ളു​ടെ നേ​ട്ട​ങ്ങ​ൾ അ​വ​ർ യോ​ഗ​ത്തി​ൽ വി​ശ​ദീ​ക​രി​ച്ചു. വ​നി​താ ശാ​ക്​​തീ​ക​ര​ണ​ത്തി​നു​ള്ള ദേ​ശീ​യ പ​ദ്ധ​തി അം​ഗീ​ക​രി​ച്ച​ത്​ സ്​​ത്രീ മു​ന്നേ​റ്റ​ത്തി​ന്​ ഹ​മ​ദ്​ രാ​ജാ​വ്​ ന​ൽ​കു​ന്ന പി​ന്തു​ണ​യു​ടെ തെ​ളി​വാ​ണ്. തു​ല്യ അ​വ​സ​രം ഉ​റ​പ്പു​വ​രു​ത്തി മ​ത്സ​ര​ക്ഷ​മ​ത​യു​ള്ള​തും സു​സ്ഥി​ര​വു​മാ​യ സ​മൂ​ഹ​ത്തെ കെ​ട്ടി​പ്പ​ടു​ക്കു​ക എ​ന്ന​താ​ണ്​ ദേ​ശീ​യ പ​ദ്ധ​തി​യു​ടെ ല​ക്ഷ്യം.

ഉ​ദ്യോ​ഗ​സ്ഥ, ഭ​ര​ണ ത​ല​ങ്ങ​ളി​ലെ വി​വി​ധ മേ​ഖ​ല​ക​ളി​ൽ സ്​​ത്രീ​ക​ൾ ഉ​ന്ന​ത പ​ദ​വി​ക​ൾ വ​ഹി​ക്കു​ന്നു​ണ്ട്. ഇ​തി​നു​ പു​റ​മേ, ന​യ​ത​ന്ത്രം, ധ​ന​കാ​ര്യം, സം​രം​ഭ​ക​ത്വം തു​ട​ങ്ങി​യ മേ​ഖ​ല​ക​ളി​ലും സ്​​ത്രീ​ക​ൾ നേ​തൃ​ത്വ നി​ര​യി​ലു​ണ്ട്. വി​വി​ധ മ​ന്ത്രാ​ല​യ​ങ്ങ​ളി​ലും സ​ർ​ക്കാ​ർ വ​കു​പ്പു​ക​ളി​ലു​മാ​യി 24 അ​വ​സ​ര സ​മ​ത്വ യൂ​നി​റ്റു​ക​ൾ ഇ​തി​ന​കം ആ​രം​ഭി​ച്ചു. എ​ല്ലാ മേ​ഖ​ല​ക​ളി​ലും ലിം​ഗ സ​മ​ത്വം കൈ​വ​രി​ക്കു​ന്ന​തി​െൻറ ഭാ​ഗ​മാ​യാ​ണി​ത്. ഭ​ര​ണ നി​ർ​വ​ഹ​ണ വി​ഭാ​ഗ​ത്തി​ലെ സൂ​പ്പ​ർ​വൈ​സ​റി പ​ദ​വി​ക​ളി​ൽ 32 ശ​ത​മാ​നം സ്​​ത്രീ​ക​ളാ​ണെ​ന്ന​ത്​ രാ​ജ്യ​ത്തെ വ​നി​താ​മു​ന്നേ​റ്റ​ത്തി​െൻറ തെ​ളി​വാ​ണെ​ന്നും അ​വ​ർ ചൂ​ണ്ടി​ക്കാ​ട്ടി. മ​ഹാ​മാ​രി​യു​ടെ കാ​ല​ത്ത്​ മി​ക​ച്ച നേ​തൃ​ത്വം ന​ൽ​കാ​ൻ സ്​​ത്രീ​ക​ളെ ക​ഴി​വു​റ്റ​വ​രാ​ക്കു​ന്ന​തി​നെ​ക്കു​റി​ച്ചും ഉ​ച്ച​കോ​ടി ച​ർ​ച്ച ചെ​യ്​​തു.