ച​ന്ദ്ര​യാ​ൻ -3 വി​ജ​യം; ഇ​ന്ത്യ​യെ അ​ഭി​ന​ന്ദി​ച്ച് ബ​ഹ്റൈ​ൻ

മ​നാ​മ: ഇ​ന്ത്യ​യു​ടെ ച​ന്ദ്ര​യാ​ൻ -3 പേ​ട​കം ച​ന്ദ്ര​ന്റെ ദ​ക്ഷി​ണ​ധ്രു​വ​ത്തി​ൽ വി​ജ​യ​ക​ര​മാ​യി ഇ​റ​ക്കി​യ​തി​ൽ രാ​ജാ​വ്​ ഹ​മ​ദ്​ ബി​ൻ ഈ​സ ആ​ൽ ഖ​ലീ​ഫ​യും കി​രീ​ടാ​വ​കാ​ശി​യും പ്ര​ധാ​ന​മ​ന്ത്രി​യു​മാ​യ പ്രി​ൻ​സ്​ സ​ൽ​മാ​ൻ ബി​ൻ ഹ​മ​ദ്​ ആ​ൽ ഖ​ലീ​ഫ​യും ഇ​ന്ത്യ​ൻ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യെ അ​ഭി​ന​ന്ദി​ച്ചു.

ദ​ക്ഷി​ണാ​ഫ്രി​ക്ക​യി​ലെ ജൊ​ഹാ​ന​സ്ബ​ർ​ഗി​ൽ ന​ട​ന്ന 15ാമ​ത് ബ്രി​ക്‌​സ് ഉ​ച്ച​കോ​ടി​ക്കി​ടെ​യാ​ണ് വി​ദേ​ശ​കാ​ര്യ മ​ന്ത്രി ഡോ. ​അ​ബ്​​ദു​ല്ല​ത്തീ​ഫ്​ ബി​ൻ റാ​ശി​ദ്​ അ​ൽ സ​യാ​നി ഇ​ന്ത്യ​ൻ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യെ ക​ണ്ട​ത്.

കൂ​ടി​ക്കാ​ഴ്ച​യി​ൽ അ​ദ്ദേ​ഹം ഹ​മ​ദ് രാ​ജാ​വി​ന്റെ​യും കി​രീ​ടാ​വ​കാ​ശി​യു​ടെ​യും അ​ഭി​ന​ന്ദ​ന​ങ്ങ​ൾ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യെ അ​റി​യി​ച്ചു.

ഇ​ന്ത്യ​യെ അ​ഭി​ന​ന്ദി​ച്ച് കി​രീ​ടാ​വ​കാ​ശി സ​മൂ​ഹ​മാ​ധ്യ​മ​ങ്ങ​ളി​ലി​ട്ട പോ​സ്റ്റും ഡോ. ​അ​ബ്​​ദു​ല്ല​ത്തീ​ഫ്​ ബി​ൻ റാ​ശി​ദ്​ അ​ൽ സ​യാ​നി പ്ര​ധാ​ന​മ​ന്ത്രി മോ​ദി​യെ കാ​ണി​ച്ചു.

ബഹ്‌റൈൻ നാഷനൽ സ്‌പേസ് സയൻസ് ഏജൻസി ഐ.എസ്.ആർ.ഒയെ അഭിനന്ദിച്ച് സന്ദേശമയച്ചു. ബഹ്‌റൈൻ ബിസിനസ് വിമൺ സൊസൈറ്റി അടക്കം ആശംസാ സന്ദേശങ്ങളുമായി ആഘോഷങ്ങളിൽ പങ്കുചേർന്നു. രാജാവ്​ ഹമദ്​ ബിൻ ഈസ ആൽ ഖലീഫ, കിരീടാവകാശിയും പ്രധാനമന്ത്രിയുമായ പ്രിൻസ്​ സൽമാൻ ബിൻ ഹമദ്​ ആൽ ഖലീഫ എന്നിവരുടെ ആശംസക്കും അവർ നൽകിയ പിന്തുണക്കും ബഹ്‌റൈനിലെ ഇന്ത്യൻ എംബസി നന്ദി അറിയിച്ചു. ഇരു രാജ്യങ്ങളും തമ്മിലുള്ള ശക്തമായ ബന്ധത്തിന്റെ പ്രതിഫലനമാണ് ഇന്ത്യയുടെ നേട്ടത്തെ അഭിനന്ദിച്ചുകൊണ്ടുള്ള ബഹ്റൈൻ ഭരണാധികാരികളുടെ സന്ദേശമെന്നും എംബസി ചൂണ്ടിക്കാട്ടി.