ദാർ അൽഷിഫ മെഡിക്കൽ സെന്റർ ഹൂറ ബ്രാഞ്ചിൽ ശിശുദിനത്തോടനുബന്ധിച്ച് നടന്ന ആഘോഷവും കുട്ടികൾക്കായുള്ള ജൂനിയർ കാർഡ് പ്രകാശനവും
മനാമ: ലോക ശിശുദിനത്തോടനുബന്ധിച്ച് ആഘോഷവും കുട്ടികൾക്കായുള്ള ജൂനിയർ കാർഡ് പ്രകാശനവും ദാർ അൽഷിഫ മെഡിക്കൽ സെന്റർ ഹൂറ ബ്രാഞ്ചിൽ നടന്നു. ദാർ അൽഷിഫ മെഡിക്കൽ സെന്റർ മാനേജിങ് ഡയറക്ടർ കെ.ടി. മുഹമ്മദലി കാർഡ് പ്രകാശനം ചെയ്തു. പീഡിയാട്രിക് കൺസൽട്ടേഷൻ, മറ്റ് ഡോക്ടർമാരുടെ കൺസൽട്ടേഷൻ, ലബോറട്ടറി, റേഡിയോളജി, ഡെന്റൽ, ഇ.എൻ.ടി എന്നിവയിൽ പ്രത്യേക ആനുകൂല്യങ്ങൾ, സൗജന്യ ഡെന്റൽ സ്ക്രീനിങ്, സൗജന്യ ഗ്രോത്ത് അസസ്മെന്റ് ടെസ്റ്റ് കൂടാതെ മറ്റു നിരവധി ആനുകൂല്യങ്ങൾ കാർഡിലൂടെ ലഭ്യമാണ്. 14 വയസ്സിന് താഴെയുള്ള കുട്ടികളുടെ രക്ഷിതാക്കൾക്ക് ജൂനിയർ കാർഡ് സൗജന്യമായി അപേക്ഷിക്കാവുന്നതാണ്.
ദാർ അൽഷിഫ മെഡിക്കൽ സെന്റർ ജനറൽ മാനേജർ അഹമദ് ഷമീർ, ഡയറക്ടർമാരായ മുഹമ്മദ് റജുൽ, റഷീദ, മെഡിക്കൽ ഡയറക്ടർമാരായ ഡോ. ബഷീർ അഹ്മദ്, ഡോ. സാന്ദ്ര തോമസ്, മറ്റു മാനേജ്‌മെന്റ് അംഗങ്ങൾ, ഡോക്ടർമാർ, ജീവനക്കാർ എന്നിവർ ചടങ്ങിൽ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.