മനാമ: അമേരിക്കയുമായി സാംസ്‌കാരിക മേഖലയില്‍ സഹകരണം ശക്തമാക്കാന്‍ ബഹ്‌റൈന്‍ സന്നദ്ധമാണെന്ന് ബഹ്‌റൈന്‍ സാംസ്‌കാരിക^പാരമ്പര്യ അതോറിറ്റി ചെയര്‍പേഴ്‌സണ്‍ ശൈഖ മിയ ബിന്‍ത് മുഹമ്മദ് ആല്‍ഖലീഫ വ്യക്തമാക്കി. കഴിഞ്ഞ ദിവസം അതോറിറ്റി ആസ്ഥാനത്ത് സന്ദര്‍ശനത്തിനെത്തിയ ബഹ്‌റൈനിലെ അമേരിക്കന്‍ അംബാസഡര്‍ വില്യം റൊബേക്കിനെ സ്വീകരിച്ച് സംസാരിക്കുകയായിരുന്നു അവര്‍.
ബഹ്‌റൈനില്‍ ഇൗ വർഷം നടക്കുന്ന മുഖ്യ സംസ്‌കാരിക പരിപാടികള്‍ അവര്‍ വിശദീകരിച്ചു. പാരമ്പര്യവും സംസ്‌കാരവും സംരക്ഷിക്കുന്നതിനും അത് വരും തലമുറയിലേക്ക് എത്തിക്കുന്നതിനും വിവിധ പദ്ധതികളാണ് അതോറിറ്റിയുടെ മേല്‍നോട്ടത്തില്‍ നടപ്പാക്കുന്നതെന്നും അവര്‍ പറഞ്ഞു. 25ാമത് സാംസ്‌കാരിക ഉത്സവം വിപുലമായ പരിപാടികളോടെ സംഘടിപ്പിക്കുന്നതിനും ഉദ്ദേശമുള്ളതായി അവര്‍ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.