ബ​ഹ്റൈ​നി​ൽ മ​രി​ച്ച​യാ​ളു​ടെ സ്വ​ത്തു​വ​ക​ക​ൾ അ​ന​ന്ത​രാ​വ​കാ​ശി​ക്ക് ല​ഭി​ക്ക​ണ​മെ​ങ്കി​ൽ

ബഹ്റൈനിലെ തൊഴിൽ നിയമങ്ങൾ എന്തൊക്കെയാണെന്നത് ഓരോ വിദേശ തൊഴിലാളിയും നിർബന്ധമായും അറിഞ്ഞിരിക്കേണ്ടതാണ്. ഇത് അറിയാത്തതുകൊണ്ടാണ് പല വഞ്ചനകളിലും പ്രയാസങ്ങളിലും പ്രവാസി തൊഴിലാളികൾ അകപ്പെടുന്നത്. അടിസ്​ഥാനപരമായി തൊഴിലാളികൾ അറിഞ്ഞിരിക്കേണ്ട നിയമങ്ങളെക്കുറിച്ച പംക്തിയാണിത്. പ്രവാസികളുടെ സംശയങ്ങൾക്കുള്ള മറുപടിയും പംക്തിയിലൂടെ ലഭ്യമാകും. bahrain@gulfmadhyamam.net എന്ന വിലാസത്തിലോ 39203865 വാട്​സാപ്​ നമ്പറിലോ സംശയങ്ങൾ അയക്കാം. ഇ​വി​ടെ ന​ൽ​കു​ന്ന വി​വ​ര​ങ്ങ​ൾ നി​യ​മോ​പ​ദേ​ശ​മാ​യി ക​ണ​ക്കാ​ക്ക​രു​ത്. വ്യ​ക്​​ത​മാ​യ നി​യ​മോ​പ​ദേ​ശം ല​ഭി​ക്കാ​ൻ ഒ​രു ബ​ഹ്​​റൈ​നി അ​ഭി​ഭാ​ഷ​ക​നെ സ​മീ​പി​ക്ക​ണം

?ഇ​വി​ടെ ബി​സി​ന​സ് ന​ട​ത്തു​ക​യാ​യി​രു​ന്ന എ​ന്റെ സ്നേ​ഹി​ത​ൻ മ​രി​ച്ചു. മൃ​ത​ദേ​ഹം നാ​ട്ടി​ലെ​ത്തി​ച്ച് സം​സ്കാ​രം ന​ട​ത്തി. അ​ദ്ദേ​ഹ​ത്തി​ന്റെ പേ​രി​ലു​ള്ള വ​സ്തു​വ​ക​ക​ൾ, ബാ​ങ്കി​ലു​ള്ള പ​ണം, ക​മ്പ​നി​യു​ടെ ഷെ​യ​ർ എ​ന്നി​വ ല​ഭി​ക്കാ​ൻ അ​ന​ന്ത​രാ​വ​കാ​ശി​ക​ൾ എ​ന്തെ​ല്ലാം രേ​ഖ​ക​ളാ​ണ് ഹാ​ജ​രാ​ക്കേ​ണ്ട​ത്. ഇ​വി​ടെ അ​തി​നു​ള്ള ന​ട​പ​ടി​ക​ളെ​ന്തെ​ല്ലാ​മാ​ണ്- ഒ​രു വാ​യ​ന​ക്കാ​ര​ൻ

• ആ​ദ്യ​മാ​യി നാ​ട്ടി​ൽ മ​ര​ണം ര​ജി​സ്റ്റ​ർ ചെ​യ്യേ​ണ്ട​തു​ണ്ട്. കു​ടും​ബം താ​മ​സി​ക്കു​ന്ന സ്ഥ​ല​മു​ൾ​പ്പെ​ടു​ന്ന ത​ദ്ദേ​ശ സ്ഥാ​പ​ന​ത്തി​ലാ​ണ് മ​ര​ണം ര​ജി​സ്റ്റ​ർ ചെ​യ്യേ​ണ്ട​ത്. ഇ​വി​ടെ​നി​ന്ന് ല​ഭി​ച്ച ഡെ​ത്ത് സ​ർ​ട്ടി​ഫി​ക്ക​റ്റ്, എം​ബ​സി സ​ർ​ട്ടി​ഫി​ക്ക​റ്റ്, നാ​ട്ടി​ൽ സം​സ്കാ​രം ന​ട​ത്തി​യ സ​ർ​ട്ടി​ഫി​ക്ക​റ്റ് എ​ന്നി​വ അ​തി​നാ​യി ഹാ​ജ​രാ​ക്ക​ണം.

ഇ​വി​ടെ​നി​ന്ന് ല​ഭി​ച്ച ഡെ​ത്ത് സ​ർ​ട്ടി​ഫി​ക്ക​റ്റ്, ഇ​വി​ട​ത്തെ വി​ദേ​ശ​കാ​ര്യ മ​ന്ത്രാ​ല​യ​ത്തി​ൽ​നി​ന്ന് അ​പ്പോ​സ്റ്റി​ൽ ചെ​യ്ത് വേ​ണം കൊ​ണ്ടു​പോ​കാ​ൻ. മ​ര​ണം ര​ജി​സ്റ്റ​ർ ചെ​യ്തു ക​ഴി​ഞ്ഞാ​ൽ പി​ന്നീ​ട് വി​ല്ലേ​ജ് ഓ​ഫി​സി​ൽ, അ​ന​ന്ത​രാ​വ​കാ​ശി​ക​ൾ ആ​രെ​ല്ലാ​മാ​​ണെ​ന്ന് തെ​ളി​യി​ക്കു​ന്ന ലീ​ഗ​ൽ ഹെ​യ​ർ സ​ർ​ട്ടി​ഫി​ക്ക​റ്റി​ന് അ​പേ​ക്ഷ ന​ൽ​ക​ണം.

ഇ​ത് ന​ൽ​കു​ന്ന​ത് നാ​ട്ടി​ൽ ത​ഹ​സി​ൽ​ദാ​രാ​ണ്. ഇ​ത് ല​ഭി​ക്കു​ന്ന​തി​ന് ര​ണ്ടു​മൂ​ന്നു​മാ​സം സ​മ​യ​മെ​ടു​​ക്കും. കാ​ര​ണം, നാ​ട്ടി​ലെ ഔ​ദ്യോ​ഗി​ക ഗ​സ​റ്റി​ൽ നോ​ട്ടീ​സ് പ്ര​സി​ദ്ധീ​ക​രി​ക്ക​ണം. അ​ത് ക​ഴി​ഞ്ഞാ​ൽ മാ​ത്ര​മേ ല​ഭി​ക്കു​ക​യു​ള്ളൂ.

ഈ ​സ​ർ​ട്ടി​ഫി​ക്ക​റ്റ് ഇ​വി​ടെ സ്വീ​ക​രി​ക്ക​ണ​മെ​ങ്കി​ൽ നാ​ട്ടി​ൽ​നി​ന്നും അ​പ്പോ​സ്റ്റി​ൽ ചെ​യ്ത് കൊ​ണ്ടു​വ​ര​ണം. വ​ലി​യ ന​ഗ​ര​ങ്ങ​ളി​ൽ ഈ ​രേ​ഖ കോ​ട​തി മു​ഖേ​ന മാ​ത്ര​മേ ല​ഭി​ക്കു​ക​യു​ള്ളൂ. അ​തി​ന് സ​ക്സ​ഷ​ൻ സ​ർ​ട്ടി​ഫി​ക്ക​റ്റ് എ​ന്നാ​ണ് പ​റ​യു​ന്ന​ത്. വി​ൽ​പ​ത്രം ഉ​ണ്ടെ​ങ്കി​ൽ അ​ത് കോ​ട​തി മു​ഖേ​ന പ്രൊ​ബേ​റ്റ് ചെ​യ്യ​ണം. ഇ​വ​യെ​ല്ലാം ല​ഭി​ച്ച​ശേ​ഷം ഈ ​രേ​ഖ അ​പോ​സ്റ്റി​ൽ ചെ​യ്യ​ണം.

അ​തു​പോ​ലെ ഇ​വി​ടെ ഒ​രു ബ​ഹ്റൈ​നി അ​ഭി​ഭാ​ഷ​ക​നെ നി​യ​മി​ക്ക​ണം. ആ ​പ​വ​ർ ഓ​ഫ് അ​റ്റോ​ണി​യും അ​പോ​സ്റ്റി​ൽ ചെ​യ്യ​ണം. ഈ ​രേ​ഖ​ക​ളെ​ല്ലാം അ​റ​ബി ഭാ​ഷ​യി​ലേ​ക്ക് ത​ർ​ജ​മ ചെ​യ്യു​ക​യും വേ​ണം. അ​ന​ന്ത​രാ​വ​കാ​ശി​ക​ൾ എ​ല്ലാ​വ​രും കൂ​ടി ഒ​രു പ​വ​ർ ഓ​ഫ് അ​റ്റോ​ണി​യോ, വേ​റെ വേ​റെ പ​വ​ർ ഓ​ഫ് അ​റ്റോ​ണി​യോ ന​ൽ​കാം.

അ​തു​പോ​ലെ എ​ല്ലാ അ​ന​ന്ത​രാ​വ​കാ​ശി​ക​ളും ചേ​ർ​ന്ന് ഇ​വി​ടെ​യു​ള്ള വ​സ്തു​വ​ക​ക​ൾ എ​ല്ലാം ഒ​രു അ​ന​ന്ത​രാ​വ​കാ​ശി​ക്ക് ന​ൽ​കാ​നു​ള്ള ഒ​രു രേ​ഖ​യും സാ​ധി​ക്കു​മെ​ങ്കി​ൽ ശ​രി​യാ​ക്ക​ണം. ഇ​ത് ഇ​വി​ടെ കാ​ര്യ​ങ്ങ​ൾ എ​ളു​പ്പ​ത്തി​ൽ കോ​ട​തി മു​ഖേ​ന ചെ​യ്യാ​നാ​ണ്. അ​ല്ലെ​ങ്കി​ൽ ഓ​രോ അ​ന​ന്ത​രാ​വ​കാ​ശി​ക​ൾ​ക്കും നി​യ​മ​പ്ര​കാ​രം എ​ത്ര ഷെ​യ​ർ ല​ഭി​ക്കു​മെ​ന്ന​തി​ന്റെ രേ​ഖ ന​ൽ​കേ​ണ്ട​തു​ണ്ട്. ഇ​തി​ന് ഇ​ന്ത്യ​ൻ നി​യ​മ​ത്തി​ന്റെ കോ​പ്പി അ​റ​ബി​യി​ൽ ത​ർ​ജ​മ ചെ​യ്ത് ന​ൽ​കി​യാ​ൽ മ​തി.

ഈ ​രേ​ഖ​ക​ൾ എ​ല്ലാം ശ​രി​യാ​യാ​ൽ പി​ന്നെ ഇ​വി​ടെ ഒ​രു ബ​ഹ്റൈ​നി അ​ഭി​ഭാ​ഷ​ക​ൻ മു​ഖേ​ന കോ​ട​തി​യി​ൽ ഒ​രു അ​പേ​ക്ഷ ന​ൽ​ക​ണം. കോ​ട​തി ന​ട​പ​ടി പൂ​ർ​ത്തി​യാ​ക്കി, ഉ​ത്ത​ര​വ് ല​ഭി​ച്ചാ​ൽ ഇ​വി​ട​ത്തെ വ​സ്തു​വ​ക​ക​ൾ അ​ന​ന്ത​രാ​വ​കാ​ശി​ക​ൾ​ക്ക് ല​ഭി​ക്കും.