ജീ​വ​കാ​രു​ണ്യമേ​ഖ​ല​യി​ൽ പെ​ൺ​ക​രു​ത്താ​യി ഗീ​ത

മ​നാ​മ: ബ​ഹ്‌​റൈ​നി​ലെ ജീ​വ​കാ​രു​ണ്യ മേ​ഖ​ല​യി​ൽ ശ്ര​ദ്ധേ​യ പ്ര​വ​ർ​ത്ത​ന​ങ്ങ​ൾ​ക്ക് നേ​തൃ​ത്വം ന​ൽ​കി മാ​തൃ​ക​യാ​വു​ക​യാ​ണ് ഗീ​ത വേ​ണു​ഗോ​പാ​ൽ. കോ​ട്ട​യം മു​ട്ട​മ്പ​ലം സ്വ​ദേ​ശി​യാ​യ ഗീ​ത, പ്രാ​ദേ​ശി​ക സാ​മൂ​ഹി​ക ജീ​വ​കാ​രു​ണ്യ മേ​ഖ​ല​യി​ൽ പ്ര​വ​ർ​ത്തി​ക്കു​മ്പോ​ഴാ​ണ് പ്ര​വാ​സി​യാ​യി ബ​ഹ്റൈ​നി​ൽ എ​ത്തു​ന്ന​ത്. ഹോം ​ന​ഴ്സാ​യി ജോ​ലി ചെ​യ്യു​മ്പോ​ൾ, നി​ര​വ​ധി ആ​ളു​ക​ൾ അ​വ​രു​ടെ പ്ര​യാ​സ​ങ്ങ​ൾ പ​ങ്കു​വെ​ക്കു​ക​യു​ണ്ടാ​യി.

ഇ​ത്ത​രം അ​നു​ഭ​വ​ങ്ങ​ളാ​ണ് ജീ​വ​കാ​രു​ണ്യ പ്ര​വ​ർ​ത്ത​ന മേ​ഖ​ല​യി​ൽ സ​ജീ​വ​മാ​കാ​ൻ പ്രേ​രി​പ്പി​ച്ച​ത്. പ്ര​തി​ഭ​യു​ടെ ഹെ​ൽ​പ് ലൈ​ൻ ജോ​യ​ന്റ് ക​ൺ​വീ​ന​ർ അം​ഗ​മാ​യി നി​ര​വ​ധി പ്ര​ശ്ന​ങ്ങ​ളി​ൽ സ​ജീ​വ​മാ​യി ഇ​ട​പെ​ടാ​നും അ​വ​ർ​ക്ക് ക​ഴി​ഞ്ഞി​ട്ടു​ണ്ട്. വി​സ കാ​ലാ​വ​ധി ക​ഴി​ഞ്ഞ​വ​ർ, അ​സു​ഖ ബാ​ധി​ത​ർ, വ​ഞ്ച​ന​യി​ല​ക​പ്പെ​ട്ട സ്ത്രീ​ക​ളു​ടെ പ്ര​ശ്ന​ങ്ങ​ളി​ലെ​ല്ലാം നി​ര​വ​ധി പേ​രെ, നി​യ​മ​ന​ട​പ​ടി​ക​ൾ​ക്കു​ശേ​ഷം സു​ര​ക്ഷി​ത​മാ​യി നാ​ട്ടി​ലെ​ത്തി​ച്ചു. അ​വ​രു​മാ​യി ഇ​പ്പോ​ഴും ന​ല്ല​ബ​ന്ധം കാ​ത്ത് സൂ​ക്ഷി​ക്കു​ക​യും സ​ഹാ​യ​ങ്ങ​ൾ​ക്ക് ന​ന്ദി പ​റ​യാ​റു​ണ്ടെ​ന്നും ഗീ​ത പ​റ​ഞ്ഞു.

വ​ർ​ഷ​ങ്ങ​ളാ​യി കു​ടും​ബ​വു​മാ​യി ബ​ന്ധ​മി​ല്ലാ​ത്ത ക​ണ്ണൂ​ർ സ്വ​ദേ​ശി​യു​ടെ ഭാ​ര്യ, ഭ​ർ​ത്താ​വി​നെ ക​ണ്ടെ​ത്താ​ൻ സ​ഹാ​യ​മ​ഭ്യ​ർ​ഥി​ച്ച​പ്പോ​ൾ, ദി​വ​സ​ങ്ങ​ൾ​ക്ക​കം ക​ണ്ടെ​ത്താ​നും ചി​കി​ത്സ ന​ൽ​കി നാ​ട്ടി​ലേ​ക്ക് തി​രി​ച്ച​യ​ക്കാ​നും ക​ഴി​ഞ്ഞു. വി​സ കാ​ലാ​വ​ധി ക​ഴി​ഞ്ഞ് മാ​ന​സി​ക പ്ര​ശ്ന​ങ്ങ​ളി​ൽ വ​ല​ഞ്ഞി​രു​ന്ന സ്ത്രീ​യു​ടെ മൃ​ത​ദേ​ഹം ന​ട​പ​ടി ക്ര​മ​ങ്ങ​ൾ പൂ​ർ​ത്തി​യാ​ക്കി നാ​ട്ടി​ലെ​ത്തി​ക്കാ​ൻ ക​ഴി​ഞ്ഞ​തും ഹൃ​ദ​യ​സ്പ​ർ​ശി​യാ​യ സ​ന്ദ​ർ​ഭ​ങ്ങ​ളാ​യി​രു​ന്നു.

ഗീ​ത വേ​ണു​ഗോ​പാ​ൽ

സൗ​ദി, യു.​എ.​ഇ, ഖ​ത്ത​ർ, കു​വൈ​ത്ത് എ​ന്നി​വി​ട​ങ്ങ​ളി​ൽ നി​ന്നും എ​ത്തു​ന്ന സ​ഹാ​യ അ​ന്വേ​ഷ​ണ​ങ്ങ​ൾ​ക്ക് അ​വി​ട​ത്തെ സാ​മൂ​ഹി​ക പ്ര​വ​ർ​ത്ത​ക​രും എം​ബ​സി​യു​മാ​യി ബ​ന്ധ​പ്പെ​ട്ടും ഇ​വി​ടെ നി​ന്നു​ത​ന്നെ സ​ഹാ​യ​ങ്ങ​ൾ ചെ​യ്യാ​നും ക​ഴി​ഞ്ഞി​ട്ടു​ണ്ട്. ക​ലാ​ഭ​വ​ൻ സേ​വ​ന ചാ​രി​റ്റി ട്ര​സ്റ്റി​ന്റെ ജി.​സി.​സി ജോ​യ​ന്റ് ക​ൺ​വീ​ന​റാ​യി​ട്ടും നാ​ട്ടി​ലെ ര​ക്ഷാ​ധി​കാ​രി​യാ​യി​ട്ടും പ്ര​വ​ർ​ത്തി​ച്ചു വ​രു​ക​യാ​ണ്.

നി​ർ​ധ​ന കു​ടും​ബ​ത്തി​ലെ കു​ട്ടി​ക​ൾ​ക്കു​ള്ള പ​ഠ​നോ​പ​ക​ര​ണ​ങ്ങ​ൾ, പാ​വ​പ്പെ​ട്ട പെ​ൺ​കു​ട്ടി​ക​ളു​ടെ വി​വാ​ഹ​ത്തി​നാ​വ​ശ്യ​മാ​യ സാ​മ്പ​ത്തി​ക സ​ഹാ​യ​ങ്ങ​ൾ എ​ന്നി​വ ന​ൽ​കാ​നും നി​ര​വ​ധി കു​ടും​ബ​ങ്ങ​ൾ​ക്ക് വീ​ടു​വെ​ക്കാ​നും, സ്ഥ​ലം ക​ണ്ടെ​ത്തി ന​ൽ​കാ​നും സം​ഘ​ട​ന​യി​ലൂ​ടെ ക​ഴി​ഞ്ഞി​ട്ടു​ണ്ട്.

ഇ​പ്പോ​ൾ വൃ​ദ്ധ​സ​ദ​ന നി​ർ​മാ​ണ​ത്തി​നാ​യു​ള്ള ത​യാ​റെ​ടു​പ്പി​ലാ​ണ് ഗീ​ത​യു​ടെ നേ​തൃ​ത്വ​ത്തി​ൽ സം​ഘാ​ട​ക​ർ. ജീ​വ​കാ​രു​ണ്യ പ്ര​വ​ർ​ത്ത​നം, ജീ​വി​ത​ത്തി​ന്റെ ഒ​രു ഭാ​ഗ​മാ​യി ക​ഴി​ഞ്ഞി​രി​ക്കു​ക​യാ​ണെ​ണ്. വ​രു​മാ​ന​ത്തി​ന്റെ ഏ​റി​യ പ​ങ്കും ഈ ​കാ​ര്യ​ങ്ങ​ൾ​ക്കാ​യി​ട്ടാ​ണ് വി​നി​യോ​ഗി​ക്കു​ന്ന​ത്. ഭ​ർ​ത്താ​വ് വേ​ണു ഗോ​പാ​ൽ ന​ൽ​കു​ന്ന സാ​മ്പ​ത്തി​ക​മാ​യും മാ​ന​സി​ക​മാ​യു​മു​ള്ള പി​ന്തു​ണ വി​ല​മ​തി​ക്കാ​നാ​വാ​ത്ത​താ​ണെ​ന്നും അ​വ​ർ പ​റ​ഞ്ഞു.

ജീ​വ​കാ​രു​ണ്യ പ്ര​വ​ർ​ത്ത​ന​രം​ഗ​ത്തെ പ്ര​വ​ർ​ത്ത​ന​ങ്ങ​ൾ​ക്ക് നി​ര​വ​ധി പു​ര​സ്കാ​ര​ങ്ങ​ളും ഗീ​ത​യെ തേ​ടി​യെ​ത്തി​യി​ട്ടു​ണ്ട്. എ.​പി.​ജെ. അ​ബ്ദു​ൽ​ക​ലാം നാ​രി പു​ര​സ്‌​കാ​രം, ഭാ​ര​ത് സേ​വ​ക് സ​മാ​ജി​ന്റെ ദേ​ശീ​യ പു​ര​സ്കാ​രം, ത​ണ​ൽ സൗ​ഹൃ​ദ സം​ഗ​മ​ത്തി​ന്റെ ആ​ദ​ര​വ്, ക​ലാ​ഭ​വ​ൻ സേ​വ​ന​സ​മി​തി ആ​ൻ​ഡ് ചാ​രി​റ്റ​ബി​ൾ സൊ​സൈ​റ്റി​യു​ടെ അ​വാ​ർ​ഡ്, അ​മൃ​ത ബ്ല​ഡ്‌ ഡോ​ണേ​ഷ​ൻ ഗ്രൂ​പ് അ​വാ​ർ​ഡ് തു​ട​ങ്ങി നി​ര​വ​ധി അം​ഗീ​കാ​ര​ങ്ങ​ൾ ല​ഭി​ച്ചി​ട്ടു​ണ്ട്.

25 വ​ർ​ഷ​മാ​യി ഭ​ർ​ത്താ​വ് വേ​ണു​ഗോ​പാ​ലി​നൊ​പ്പം ബ​ഹ്‌​റൈ​നി​ലാ​ണ് ഗീ​ത. ര​ണ്ട് മ​ക്ക​ളാ​ണ്. മ​ക​ൾ ദു​ബൈ​യി​ലും മ​ക​ൻ ബ​ഹ്റൈ​നി​ലെ ഒ​രു ക​മ്പ​നി​യി​ലും ജോ​ലി ചെ​യ്യു​ന്നു. എ​ല്ലാ പ്ര​വ​ർ​ത്ത​ന​ങ്ങ​ൾ​ക്കും കു​ടും​ബ​ത്തി​ന്റെ പി​ന്തു​ണ​യും സ്നേ​ഹ​വും ഒ​പ്പ​മു​ള്ള​താ​ണ് ഏ​റ്റ​വും വ​ലി​യ സ​ന്തോ​ഷ​മെ​ന്നും അ​വ​ർ പ​റ​ഞ്ഞു.