മനാമ: ടൗൺഷിപ്പുകളിൽ ഹരിതപദ്ധതി വ്യാപിപ്പിക്കുന്നതിന് ശ്രമിക്കുമെന്ന് പാർപ്പിട, നഗരാസൂത്രണകാര്യ മന്ത്രി ആമിന ബിൻത് അഹ്മദ് അൽ റുമൈഹി വ്യക്തമാക്കി. നാഷനൽ ഇനീഷ്യേറ്റിവ് ഫോർ അഗ്രികൾചറൽ ഡെവലപ്മെന്റ് മുൻകൈയെടുത്ത് നടപ്പാക്കുന്ന ‘എന്നും ഹരിതം’പദ്ധതിയിൽ പങ്കാളികളാവുകയും അതുവഴി ഹരിതപ്രദേശങ്ങൾ വർധിപ്പിക്കുകയും ചെയ്യുന്നതിൽ ഏറെ സന്തോഷമുണ്ട്.
സ്വകാര്യ മേഖലയുമായി ചേർന്ന് 2030 സുസ്ഥിര വികസനപദ്ധതി ലക്ഷ്യംനേടുന്നതിന് ശ്രമിക്കുമെന്നും അവർ ചൂണ്ടിക്കാട്ടി. ‘എന്നും ഹരിതം’ പദ്ധതി നടപ്പാക്കി വിജയിപ്പിക്കുന്നതിന് മുന്നിൽ നിൽക്കുന്നവരെ അവർ പ്രത്യേകം അഭിനന്ദിക്കുകയും ചെയ്തു. രാജ്യത്തെ ഹരിതവത്കരണം ശക്തമാക്കുന്നതിന് ഭരണാധികാരികൾ നൽകുന്ന പിന്തുണക്ക് പ്രത്യേകം നന്ദി രേഖപ്പെടുത്തി.
2060 ഓടെ കാർബൺ ബഹിർഗമനം പൂജ്യത്തിലെത്തിക്കുന്നതിന് തയാറാക്കിയ പദ്ധതിയുടെ ഭാഗമായാണ് ഹരിതവത്കരണ പദ്ധതി നടപ്പാക്കുന്നത്. ഇത് മുന്നോട്ടു പോകാൻ പാർപ്പിട, നഗരാസൂത്രണ മന്ത്രാലയം കൂടെയുണ്ടാകുമെന്നും അവർ കൂട്ടിച്ചേർത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.