ജനത കൾചറൽ സെന്റർ ബഹ്റൈൻ കമ്മിറ്റിയുടെ നേതൃത്വത്തിൽ മനോജ് വടകരയെ ആദരിക്കുന്നു
മനാമ: ഐ.വൈ.സി.സിയുടെ ഈ വർഷത്തെ ഏറ്റവും നല്ല സാമൂഹിക പ്രവർത്തകനുള്ള അവാർഡ് കരസ്ഥമാക്കിയ ജെ.സി.സി ട്രഷറർ മനോജ് വടകരയെ ജനത കൾചറൽ സെന്റർ ബഹ്റൈൻ കമ്മിറ്റിയുടെ നേതൃത്വത്തിൽ ആദരിച്ചു. പ്രസിഡന്റ് നജീബ് കടലായി അധ്യക്ഷത വഹിച്ചു. ബഹ്റൈനിൽ കഴിഞ്ഞ 30 വർഷമായി ജീവകാരുണ്യ, സാമൂഹിക മേഖലകളിൽ സജീവമായി ഇടപെടുന്ന മനോജ് വടകരക്ക് ഉത്തരവാദിത്തം കൂടുതലായി നിറവേറ്റുന്നതിന് പുരസ്കാരം പ്രചോദനമാകട്ടെയെന്ന് അദ്ദേഹം പറഞ്ഞു. ഭാസ്കരൻ, സന്തോഷ് മേമുണ്ട, ടി.പി. വിനോദൻ, ദിനേശൻ, ജയരാജൻ, പ്രജീഷ്, ജയപ്രകാശ്, ജിബിൻ, ശശീന്ദ്രൻ തുടങ്ങിയവർ സംസാരിച്ചു. മനോജ് വടകര മറുപടിപ്രസംഗം നടത്തി. പവിത്രൻ കള്ളിയിൽ സ്വാഗതവും വി.പി. ഷൈജു നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.