കൊല്ലം പ്രവാസി അസോസിയേഷൻ ഓണാഘോഷ പരിപാടികൾ ജി.എസ്. ജയലാൽ എം.എൽ.എ ഉദ്ഘാടനം ചെയ്യുന്നു
മനാമ: കൊല്ലം പ്രവാസി അസോസിയേഷന്റെ ഈ വർഷത്തെ ഓണാഘോഷം `പൊന്നോണം 2024' ജനപങ്കാളിത്തം കൊണ്ട് ശ്രദ്ധേയമായി. സ്റ്റാർ വിഷൻ ഇവന്റ്‌സുമായി സഹകരിച്ച് അധാരി പാർക്കിൽ നടന്ന ആഘോഷ പരിപാടികൾ ജി.എസ്. ജയലാൽ എം.എൽ.എ ഉദ്ഘാടനം ചെയ്തു.
അസോസിയേഷന്റെ പത്ത് ഏരിയ കമ്മിറ്റികളും വനിത വിഭാഗം പ്രവാസി ശ്രീയും പങ്കെടുത്ത നയന മനോഹരമായ ഘോഷയാത്ര ഓണാഘോഷത്തിന് മാറ്റുകൂട്ടി. 1000ൽ പരം പേർക്കുള്ള വിഭവ സമൃദ്ധമായ സദ്യ, ഓണാഘോഷത്തിന് മികവേകി. കുട്ടികളുടെയും മുതിർന്നവരുടെയും കലാപരിപാടികൾ, കേരള ശ്രീമാൻ - മലയാളി മങ്ക മത്സരം, തിരുവാതിര, സഹൃദയ അവതരിപ്പിച്ച നാടൻ പാട്ടുകൾ എന്നിവ നടന്നു.
കെ.പി.എ പ്രസിഡന്റ് അനോജ് മാസ്റ്ററുടെ അധ്യക്ഷതയിൽ നടന്ന ഓണാഘോഷ പരിപാടിയിൽ ജനറൽ സെക്രട്ടറി പ്രശാന്ത് പ്രബുദ്ധൻ സ്വാഗതം പറഞ്ഞു. യു.എ.ഇയിലെ സാമൂഹിക പ്രവർത്തകൻ അഷ്‌റഫ് താമരശ്ശേരി മുഖ്യാതിഥിയായി പങ്കെടുത്തു.
ഇന്ത്യൻ സ്കൂൾ ചെയർമാൻ ബിനു മണ്ണിൽ, കൊല്ലം പ്രവാസി അസോസിയേഷൻ രക്ഷാധികാരി പ്രിൻസ് നടരാജൻ, ബഹ്‌റൈൻ കേരളീയ സമാജം ജനറൽ സെക്രട്ടറി വർഗീസ് കാരക്കൽ, ഐ.സി.ആർ.എഫ് ചെയർമാൻ വി.കെ. തോമസ്, ഡോ.പി.വി. ചെറിയാൻ, സ്റ്റാർ വിഷൻ ചെയർമാൻ സേതുരാജ് കടക്കൽ എന്നിവർ സംസാരിച്ചു.
ചടങ്ങിന് `പൊന്നോണം 2024’ ജനറൽ കൺവീനർ വി.എം. പ്രമോദ് നന്ദി അറിയിച്ചു. ട്രഷറർ മനോജ് ജമാൽ, വൈ. പ്രസിഡന്റ് കോയിവിള മുഹമ്മദ്, സെക്രട്ടറിമാരായ അനിൽ കുമാർ, രജീഷ് പട്ടാഴി, അസി. ട്രഷറർ കൃഷ്ണകുമാർ എന്നിവർ യോഗത്തിൽ സംബന്ധിച്ചു. ബഹ്‌റൈനിലെ സാമൂഹിക, സാംസ്കാരിക രംഗത്തെ പ്രമുഖ വ്യക്തിത്വങ്ങൾ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.