മനാമ: കോഴിക്കോട് ജില്ല പ്രവാസി ഫോറം (കെ.പി.എഫ് ബഹ്റൈൻ) സംഘടിപ്പിക്കുന്ന മെംബേർസ് നൈറ്റ് ബാംസുരി സീസൺ ടു വെള്ളിയാഴ്ച വൈകീട്ട് അഞ്ചു മണി മുതൽ കെ.സി.എ ഹാളിൽ (ബഹ്റൈൻ കേരളീയ സമാജത്തിനടുത്ത്) നടക്കുമെന്ന് ഭാരവാഹികൾ അറിയിച്ചു.
ബൈ ജീൻസ് അവന്യു, ഐമാക്ക് ബി.എം.സി എന്നിവയുടെ സഹകരണത്തോടെയാണ് പരിപാടി. കെ.പി.എഫ് മെംബർമാരും കുടുംബാംഗങ്ങളും അണിയിച്ചൊരുക്കുന്ന വിവിധ കലാപരിപാടികളും നടക്കും.
നൃത്തനൃത്യങ്ങൾ, തിരുവാതിര, ഒപ്പന, കരോക്കേ ഗാനങ്ങൾ, മിമിക്രി മുതലായവയും ആരവം നാടൻപാട്ട് സംഘം അണിയിച്ചൊരുക്കുന്ന നാടൻ പാട്ടുകളും ഉണ്ടായിരിക്കുന്നതാണെന്ന് പ്രോഗ്രാം കൺവീനർ അരുൺ പ്രകാശ്, കെ.പി.എഫ് പ്രസിഡന്‍റ് ജമാൽ കുറ്റിക്കാട്ടിൽ, ജനറൽ സെക്രട്ടറി ഹരീഷ് പി.കെ, ട്രഷറർ ഷാജി പുതക്കുടി എന്നിവർ അറിയിച്ചു. വൈകീട്ട് അഞ്ചിന് ആരംഭിക്കുന്ന പരിപാടിയിലേക്ക് എല്ലാവരെയും സ്വാഗതം ചെയ്യുന്നതായും ഭാരവാഹികൾ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.