ബഹ്റൈൻ മാർത്തോമ്മ ഇടവകയുടെ ക്രിസ്മസ് കരോളിൽനിന്ന്
മനാമ: ബഹ്റൈൻ മാർത്തോമ ഇടവകയുടെ ക്രിസ്മസ് കരോൾ മാർത്തോമ കോംപ്ലക്സിൽ നടന്നു. മുഖ്യാതിഥിയായിരുന്ന യാക്കോബായ ഓർത്തഡോക്സ് സുറിയാനി സഭ മുംബൈ അയർലൻഡ് മെത്രാപ്പോലീത്ത തോമസ് മോർ അലക്സാന്ത്രയോസ് ക്രിസ്മസ് സന്ദേശം നൽകി.
വികാരി റവ. ഡേവിഡ് വർഗീസ് ടൈറ്റസ് അധ്യക്ഷത വഹിച്ചു. യോഗത്തിൽ ഫാ. ജോൺസ് ജോൺസൺ (വികാരി, ബഹ്റൈൻ സെന്റ് പീറ്റേഴ്സ് യാക്കോബായ ഇടവക), ബഹ്റൈൻ മാർത്തോമ ഇടവക സഹവികാരി റവ. ബിബിൻസ് മാത്യൂസ് ഓമനാലി, വൈസ് പ്രസിഡന്റ്‌ ജോൺസൺ ടി. തോമസ്, ട്രസ്റ്റി എബ്രഹാം തോമസ്, അക്കൗണ്ടന്റ് അബി കെ. തോമസ്, ആത്മായ ശുശ്രൂഷകരായ റിബു ബേബി മാത്യു, മെൽവിൻ തോമസ് ജോൺ എന്നിവർ സന്നിഹിതരായിരുന്നു. ആശിഷ് ജേക്കബ് ജോർജിന്റെ നേതൃത്വത്തിൽ ഇടവക ഗായക സംഘവും ബിജു കെ. നൈനാന്റെ നേതൃത്വത്തിൽ സൺ‌ഡേ സ്കൂൾ ഗായകസംഘവും ക്രിസ്മസ് ഗാനങ്ങൾ ആലപിച്ചു.
ഇടവക സെക്രട്ടറി ഷെറി മാത്യൂസ് സ്വാഗതവും കൺവീനർ ജേക്കബ് ജോർജ് നന്ദിയും പറഞ്ഞു. കുമാരി രേഷ്മ ആൻ ജേക്കബ്, കുമാരി ഫേബ മേരി എബ്രഹാം എന്നിവർ പ്രോഗ്രാം കോഓഡിനേറ്റർമാരായി പ്രവർത്തിച്ചു. വിവിധ പ്രാർഥനാ കൂട്ടങ്ങളുടെ നേതൃത്വത്തിൽ നടന്ന ക്രിസ്മസ് ട്രീ മത്സരത്തിൽ പെപ്സി കോള സുഗയ്യ ഏരിയ വിജയികളായി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.