അ​വ​ധി ദി​വ​സ​ത്തി​ലെ ഓ​ണം; ആ​ഘോ​ഷം, ആ​ഹ്ലാ​ദം

മ​നാ​മ: അ​പ്ര​തീ​ക്ഷി​ത​മാ​യി ഓ​ണം അ​വ​ധി​ദി​വ​സ​ത്തി​ലെ​ത്തു​മ്പോ​ൾ പ്ര​വാ​സി​ക​ളു​ടെ മ​ന​സ്സി​ലാ​കെ ആ​ഹ്ലാ​ദ​ത്തി​ന്റെ ക​പ്പ​ലോ​ട്ട​മാ​ണ്. ന​ബി​ദി​ന അ​വ​ധി​യും തി​രു​വോ​ണ​വും ഒ​രേ ദി​വ​സം എ​ത്തു​മ്പോ​ൾ പ്ര​വാ​സി​ക​ളു​ടെ ആ​ഘോ​ഷ​ത്തി​ന് നി​റ​ച്ചാ​ർ​ത്ത് ഏ​റും. ബ​ഹ്റൈ​നി​ൽ അ​ത്തം നാ​ൾ മു​ത​ൽ വി​വി​ധ സം​ഘ​ട​ന​ക​ളു​ടെ നേ​തൃ​ത്വ​ത്തി​ൽ ആ​ഘോ​ഷം തു​ട​ങ്ങി​ക്ക​ഴി​ഞ്ഞു. ബ​ഹ്റൈ​ൻ കേ​ര​ളീ​യ സ​മാ​ജ​ത്തി​ൽ ഓ​ണാ​ഘോ​ഷ​ച​ട​ങ്ങു​ക​ൾ ആ​ഗ​സ്റ്റ് 30ന് ​പി​ള്ളേ​രോ​ണ​ത്തോ​ടെ​യാ​ണ് ആ​രം​ഭി​ച്ച​ത്.

ഓ​ണം ഘോ​ഷ​യാ​ത്ര മ​ത്സ​രം, മ​ഹാ രു​ചി​മേ​ള എ​ന്നി​വ​യൊ​ക്കെ ന​ട​ന്നു​ക​ഴി​ഞ്ഞു. വ​രും ദി​വ​സ​ങ്ങ​ളി​ൽ കെ.​എ​സ്. ചി​ത്ര, ജി. ​വേ​ണു​ഗോ​പാ​ൽ, മ​ധു ബാ​ല​കൃ​ഷ്ണ​ൻ തു​ട​ങ്ങി നി​ര​വ​ധി ക​ലാ​കാ​ര​ന്മാ​രു​ടെ പ​രി​പാ​ടി​ക​ളാ​ണ് സ​മാ​ജ​ത്തി​ൽ അ​ര​​​ങ്ങേ​റു​ക. അ​ടു​ത്ത ര​ണ്ടു​മാ​സ​ക്കാ​ല​യ​ള​വി​ൽ വി​വി​ധ സം​ഘ​ട​ന​ക​ളു​ടെ വൈ​വി​ധ്യ​മാ​ർ​ന്ന ഓ​ണാ​ഘോ​ഷ പ​രി​പാ​ടി​ക​ളൂം ന​ട​ക്കും. 27ന് ​ലു​ലു ഗ​ലേ​റി​യ മാ​ളി​ൽ ‘ഗ​ൾ​ഫ് മാ​ധ്യ​മം’ ലു​ലു ഹൈ​പ്പ​ർ​മാ​ർ​ക്ക​റ്റി​ന്റെ സ​ഹ​ക​ര​ണ​ത്തോ​ടെ സം​ഘ​ടി​പ്പി​ക്കു​ന്ന ഓ​ണം ഫെ​സ്റ്റ് ന​ട​ക്കും.

നി​ര​വ​ധി മ​ത്സ​ര​ങ്ങ​ള​ട​ങ്ങി​യ ഓ​ണം ഫെ​സ്റ്റി​ൽ മ​റി​മാ​യം ഫെ​യിം വി​നോ​ദ് കോ​വൂ​രും ഏ​ഷ്യാ​നെ​റ്റ് സ്റ്റാ​ർ സി​ങ്ങ​ർ അ​വ​താ​ര​ക വ​ർ​ഷ ര​മേ​ഷും അ​തി​ഥി​ക​ളാ​യെ​ത്തു​ന്നു​ണ്ട്. വ​രും ദി​വ​സ​ങ്ങ​ളി​ൽ വി​വി​ധ സം​ഘ​ട​ന​ക​ളു​ടേ​യും അ​സോ​സി​യേ​ഷ​നു​ക​ളു​ടേ​യും ആ​ഘോ​ഷ​പ​രി​പാ​ടി​ക​ൾ​ക്കാ​യി ക​ലാ​കാ​ര​ൻ​മാ​രു​ടെ നീ​ണ്ട നി​ര​ത​ന്നെ പ​വി​ഴ​ദ്വീ​പി​ലെ​ത്തും.

വ​യ​റും മ​ന​സ്സും നി​റ​ക്കു​ന്ന മ​ഹാ​സ​ദ്യ​ക്കാ​ല​മാ​ണ് ഇ​നി​യു​ള്ള ര​ണ്ടു​മാ​സം. ബ​ഹ്റൈ​നി​ലെ ഹോ​ട്ട​ലു​ക​ളും റ​സ്റ്റാ​റ​ന്റു​ക​ളും പു​തു​പു​ത്ത​ൻ രു​ചി​ക​ളു​മാ​യി ഈ ​ഓ​ണാ​ഘോ​ഷ​ത്തി​ൽ അ​ണി​നി​ര​ന്നു​ക​ഴി​ഞ്ഞു. ഇ​രു​പ​തും മു​പ്പ​തും കൂ​ട്ടം വി​ഭ​വ​ങ്ങ​ളാ​ണ് ഓ​രോ റ​സ്റ്റാ​റ​ന്റു​ക​ളും ഒ​രു​ക്കു​ന്ന​ത്. സ​ദ്യ​വ​ട്ട​ത്തി​ൽ തെ​ക്ക​നും വ​ട​ക്ക​നും സ്റ്റൈ​ലു​ക​ളു​ണ്ട്. മ​ധ്യ കേ​ര​ള​ത്തി​ന്റെ രു​ചി വൈ​വി​ധ്യ​മു​ണ്ട്. വ​ള്ളു​വ​നാ​ട​ൻ പെ​രു​മ​യു​ണ്ട്.

ക​ണ്ണൂ​രി​ലെ നോ​ൺ വെ​ജ് സ​ദ്യ​യു​ണ്ട്. സ്വാ​ദൂ​റു​ന്ന ഈ ​വി​ഭ​വ​ങ്ങ​ളെ​ല്ലാം ഓ​രോ ദി​വ​സ​വും പ​രീ​ക്ഷി​ക്കാ​നു​ള്ള അ​വ​സ​രം പ്ര​വാ​സി​ക്ക് മാ​ത്ര​മാ​ണ്. ബ​ഹ്‌​റൈ​നി​ലെ വ​സ്ത്ര​ശാ​ല​ക​ൾ എ​ല്ലാം പ്ര​ത്യേ​ക ഓ​ണ​പ്പു​ട​വ​ക​ളു​മാ​യി അ​ണി​ഞ്ഞൊ​രു​ങ്ങി​നി​ൽ​ക്കു​ക​യാ​ണ്. ക​സ​വു​ക​ളും കേ​ര​ളാ വേ​ഷ​ങ്ങ​ളും വി​പ​ണി​യി​ൽ സ​ജീ​വ​മാ​യി​ക്ക​ഴി​ഞ്ഞു. കേ​ര​ള​ത്ത​നി​മ​യി​ൽ​ത​ന്നെ വൈ​വി​ധ്യ​മു​ള്ള വേ​ഷ​വി​ധാ​ന​ങ്ങ​ളാ​ണ് ഇ​ത്ത​വ​ണ വി​പ​ണി​യി​ൽ എ​ത്തി​യി​ട്ടു​ള്ള​ത്.

ഇ​ല ഒ​ന്നി​ന് ര​ണ്ടു മു​ത​ൽ നാ​ലു ദി​നാ​ർ വ​രെ നി​ര​ക്കു​ള്ള ഓ​ണ​സ​ദ്യ​യു​ടെ ബു​ക്കി​ങ് തി​രു​വോ​ണ​ദി​വ​സ​മാ​യ ഇ​ന്നു​മു​ണ്ട്. സൂ​പ്പ​ർ മാ​ർ​ക്ക​റ്റു​ക​ളെ​ല്ലാം ഓ​ണ​വി​ഭ​വ​ങ്ങ​ൾ​ക്ക് വ​ൻ ഓ​ഫ​റു​ക​ൾ പ്ര​ഖ്യാ​പി​ച്ച് ദി​വ​സ​ങ്ങ​ൾ​ക്കു​മു​മ്പ് ത​ന്നെ ആ​ഘോ​ഷ​മൂ​ഡി​ലാ​ണ്. ഈ ​മാ​സം മു​ഴു​വ​ൻ ആ​ഘോ​ഷം അ​ല​യ​ടി​ക്കും.