മനാമ: ഈ മാസം 27ന് ലുലു ഗലേറിയ മാളിൽ ‘ഗൾഫ് മാധ്യമം’ ലുലു ഹൈപ്പർമാർക്കറ്റിന്റെ സഹകരണത്തോടെ സംഘടിപ്പിക്കുന്ന ഓണം ഫെസ്റ്റിന്റെ ഭാഗമായി നടക്കുന്ന മത്സരങ്ങൾക്കുള്ള രജിസ്ട്രേഷൻ ഇന്നവസാനിക്കും.
അനവധി, നിരവധി സമ്മാനങ്ങളാണ് മത്സരാർഥികളെ കാത്തിരിക്കുന്നത്. മറിമായം, എം 80 മൂസ ഫെയിം വിനോദ് കോവൂർ, ഏഷ്യാനെറ്റ് സ്റ്റാർസിങ്ങർ അവതാരക വർഷ രമേഷ് എന്നിവർ അതിഥികളായി എത്തുന്ന അടിപൊളി മത്സരങ്ങൾ. കാണികൾക്കായി നിരവധി ഇൻസ്റ്റന്റ് മത്സരങ്ങളും ഒരുക്കിയിട്ടുണ്ട്.
കുടുംബാംഗങ്ങളിലൊരാളോടൊപ്പം മത്സരിക്കാവുന്ന കുക്ക് വിത്ത് കുടുംബം പായസമത്സരം ലൈവായിരിക്കും. രജിസ്റ്റർ ചെയ്യുമ്പോൾ പായസത്തിന്റെ റസിപ്പിയും വിഭവത്തിന്റെ ഫോട്ടോയും അപ് ലോഡ് ചെയ്യണം. തിരഞ്ഞെടുക്കുന്ന മത്സരാർഥികൾക്ക് ലൈവ് പായസ മത്സരത്തിൽ പങ്കെടുക്കാം. മിസ്റ്റർ ആൻഡ് മിസ്സിസ് പെർഫെക്ട് കപ്പിൾ കോണ്ടസ്റ്റിൽ രസകരമായ മത്സരങ്ങളും ആക്ടിവിറ്റികളുമാണ് ഒരുക്കിയിരിക്കുന്നത്.
പങ്കാളിയോടൊപ്പമാണ് മത്സരത്തിൽ പങ്കെടുക്കേണ്ടത്. രജിസ്റ്റർ ചെയ്തതിനുശേഷം ഒരുമിനിറ്റ് ദൈർഘ്യമുള്ള പെർഫോമൻസ് വിഡിയോ 973 3461 9565 എന്ന നമ്പറിൽ വാട്സ്ആപ് ചെയ്യണം. മത്സരത്തിൽ പങ്കെടുക്കുന്നതിന് https://onam.madhyamam.com എന്ന ലിങ്കിൽ രജിസ്റ്റർ ചെയ്യാം. കൂടുതൽ വിവരങ്ങൾക്ക്: 973 3461 9565.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.