സി. ലൂസി കുര്യനെ ബഹ്റൈൻ ഇന്റർനാഷനൽ എയർപോർട്ടിൽ സ്വീകരിക്കുന്നു
മനാമ: 2024 ലെ സിംസ് വർക്ക് ഓഫ് മേഴ്സി അവാർഡ് മഹർ ഫൗണ്ടേഷൻ സ്ഥാപകയും പ്രമുഖ സാമൂഹിക ജീവകാരുണ്യ പ്രവർത്തകയുമായ സി. ലൂസി കുര്യന് സമ്മാനിക്കും. ശനിയാഴ്ച ടൂബ്ലി മർമറിസ് ഹാളിൽ നടക്കുന്ന അവാർഡ് വിതരണ ചടങ്ങിൽ സി. ലൂസി കുര്യന് അവാർഡ് സമ്മാനിക്കും. ഇന്ത്യൻ അംബാസഡർ വിനോദ് കെ. ജേക്കബ് ചടങ്ങിൽ മുഖ്യാതിഥിയാകും.
ബഹ്റൈനിലെ പ്രമുഖ സാമൂഹിക പ്രവർത്തകനായ ഖലീൽ ധൈലാമി (ബാബ ഖലീൽ), സാമൂഹിക സാംസ്കാരിക മേഖലയിലെ മറ്റു പ്രമുഖർ, തുടങ്ങിയവരും അവാർഡ് വിതരണ ചടങ്ങിൽ പങ്കെടുക്കും.
ബഹ്റൈൻ ഇന്റർനാഷനൽ എയർപോർട്ടിലെത്തിയ സി. ലൂസി കുര്യനെ സിംസ് പ്രസിഡന്റ് ഷാജൻ സെബാസ്റ്റ്യൻ, ജനറൽ സെക്രട്ടറി സബിൻ കുര്യാക്കോസ്, വൈസ് പ്രസിഡന്റ് ജീവൻ ചാക്കോ, ട്രഷറർ ജസ്റ്റിൻ ഡേവിസ്, സ്പോർട്സ് സെക്രട്ടറി സിജോ ആന്റണി, മുൻ പ്രസിഡന്റുമാരായ ചാൾസ് ആലുക്ക, ബെന്നി വർഗീസ്, ജേക്കബ് വാഴപ്പള്ളി എന്നിവരുടെ നേതൃത്വത്തിൽ സ്വീകരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.