മനാമ: ഒരൊറ്റ പാട്ടിലൂടെ ബഹ്റൈനിലെ പാട്ടുതാരമാകാൻ അവസരമൊരുക്കി ‘ഗൾഫ് മാധ്യമം’ ഒരുക്കുന്ന സിംഗ് ആൻഡ് വിൻ മത്സരത്തിലേക്ക് എൻട്രികൾ അയക്കേണ്ട അവസാന തീയതി ഇന്നാണ്. മത്സരവിജയികളെ ആകർഷകമായ സമ്മാനങ്ങളാണ് കാത്തിരിക്കുന്നത്. സമ്മാനങ്ങൾക്കുപുറമെ ജൂൺ 30ന് ‘ഗൾഫ് മാധ്യമം ക്രൗൺ പ്ലാസയിലൊരുക്കുന്ന ബഹ്റൈൻ ബീറ്റ്സ് പരിപാടിയിൽ നിങ്ങളുടെ ഇഷ്ടതാരങ്ങൾക്കൊപ്പം സ്റ്റേജിൽ ഗാനമാലപിക്കാനുള്ള അവസരവും ലഭിക്കും. മത്സരത്തിൽ പങ്കെടുക്കാൻ ആകെ ചെയ്യേണ്ടത് നിങ്ങളുടെ ഇഷ്ടഗാനം അത് മലയാളത്തിലോ ഹിന്ദിയിലോ തമിഴിലോ ആയിക്കോട്ടെ, അതിന്റെ ഒരുഭാഗം പാടി ഒരു മിനിറ്റ് ദൈർഘ്യമുള്ള വിഡിയോ പേരും വയസ്സും സഹിതം 39741752 നമ്പറിൽ വാട്സ്ആപ് ചെയ്യുക മാത്രമാണ്.
16 വയസ്സുവരെയുള്ളവർക്ക് ജൂനിയർ വിഭാഗത്തിലും അതിനുമുകളിലുള്ളവർക്ക് സീനിയർ വിഭാഗത്തിലും മത്സരിക്കാം. 2023 ജൂൺ 30 അടിസ്ഥാനമാക്കിയാണ് പ്രായം കണക്കാക്കുന്നത്. ഇൻസ്ട്രുമെന്റ്സോ കരോക്കെയോ ഇല്ലാതെയാണ് പാടേണ്ടത്. ഷോർട്ട്‍ലിസ്റ്റ് ചെയ്യപ്പെടുന്ന മത്സരാർഥികളൂടെ വിഡിയോ ‘മാധ്യമ’ത്തിന്റെ എല്ലാ സോഷ്യൽ മീഡിയ പ്ലാറ്റ്ഫോമുകളിലും അപ് ലോഡ് ചെയ്യും. ജൂൺ 14 മുതൽ 21 വരെയാണ് വോട്ടിങ്. ഫൈനൽ മത്സരം ജൂൺ 23ന് ദാന മാളിൽ നടക്കും. ഫൈനലിലെ വിജയികളെ പ്രശസ്ത വിധികർത്താക്കൾ നിർണയിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.