മനാമ: രാഷ്ട്രപിതാവ് മഹാത്മ ഗാന്ധിയുടെ 150ാം ജന്മവാർഷികത്തോടനുബന്ധിച്ച് ബഹ്റൈനിലെ ഇന്ത്യൻ എംബസി ഉപന്യാസ മത്സരം സംഘടിപ്പിക്കുന്നു. 'ഇന്നത്തെ ലോകത്ത് മഹാത്മ ഗാന്ധിയുടെ പ്രസക്തി'എന്നതാണ് വിഷയം. ബഹ്റൈനിൽ താമസിക്കുന്നവർക്ക് നാലു വിഭാഗങ്ങളിലായാണ് മത്സരം.
1. ഇന്ത്യൻ പൗരന്മാർ
a. സ്കൂൾ വിദ്യാർഥികൾ -ഗ്രേഡ് 9-12
b. 21 വയസ്സ് വരെയുള്ള യൂനിവേഴ്സിറ്റി വിദ്യാർഥികൾ
2. വിദേശ പൗരന്മാർ
a. സ്കൂൾ വിദ്യാർഥികൾ -ഗ്രേഡ് 9-12
b. 21 വയസ്സ് വരെയുള്ള യൂനിവേഴ്സിറ്റി വിദ്യാർഥികൾ
200 ദീനാറാണ് ഒന്നാം സമ്മാനം. രണ്ടാം സമ്മാനമായി 150 ദീനാറും മൂന്നാം സമ്മാനമായി 100 ദീനാറും ലഭിക്കും. 10 പേർക്ക് പ്രോത്സാഹന സമ്മാനവുമുണ്ട്. 300-500 വാക്കുകളിൽ ഇംഗ്ലീഷിൽ ആയിരിക്കണം ഉപന്യാസം. ഒരാൾക്ക് ഒരു ഉപന്യാസം മാത്രമാണ് സമർപ്പിക്കാൻ കഴിയുക. 150grandfinale@gmail.com എന്ന വിലാസത്തിലാണ് ഉപന്യാസങ്ങൾ അയക്കേണ്ടത്. അവസാന തീയതി സെപ്റ്റംബർ 20.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.