നിയമലംഘനം: വാണിജ്യ സ്ഥാപനം അടച്ചിടാൻ ഉത്തരവ്

മ​നാ​മ: നി​യ​മ​ലം​ഘ​നം ന​ട​ത്തി​യ വാ​ണി​ജ്യ സ്ഥാ​പ​നം അ​ട​ച്ചി​ടാ​ൻ ലോ​വ​ർ ​ക്രി​മി​ന​ൽ കോ​ട​തി വി​ധി. കേ​സി​ൽ പ്ര​തി​ക​ളാ​യ ​ര​ണ്ടു​ പേ​രി​ൽ​നി​ന്നാ​യി 500 ദീ​നാ​ർ വീ​തം പി​ഴ​യീ​ടാ​ക്കാ​നും ഉ​ത്ത​ര​വു​ണ്ട്. സി.​ആ​ർ മ​ര​വി​പ്പി​ക്കാ​നും സ്​​ഥാ​പ​നം പൂ​ട്ടി​യി​ടാ​നും വി​ദേ​ശി​യാ​യ ന​ട​ത്തി​പ്പു​കാ​ര​നെ ബ​ഹ്​​റൈ​നി​ലേ​ക്ക്​ തി​രി​ച്ചു​വ​രാ​ത്ത​വി​ധം നാ​ടു​ക​ട​ത്താ​നും വി​ധി​ച്ചു.

വ്യാ​പാ​ര, വാ​ണി​ജ്യ മ​ന്ത്രാ​ല​യ​ത്തി​ൽ​നി​ന്നു​ള്ള പ​രി​ശോ​ധ​ക​ർ ക​ച്ച​വ​ട സ്​​ഥാ​പ​ന​ത്തി​ലെ​ത്തി​യ​പ്പോ​ൾ അം​ഗീ​കാ​ര​പ​ത്രം മ​റ​ച്ചു​വെ​ക്കു​ക​യും ഏ​തു​​ത​രം ലൈ​സ​ൻ​സി​ലാ​ണ്​ സ്​​ഥാ​പ​നം പ്ര​വ​ർ​ത്തി​ക്കു​ന്ന​തെ​ന്ന വി​വ​രം വെ​ളി​പ്പെ​ടു​ത്താ​തി​രി​ക്കു​ക​യും ചെ​യ്​​ത​തി​നെ തു​ട​ർ​ന്നാ​ണ്​ അ​ധി​കൃ​ത​ർ ന​ട​പ​ടി​യെ​ടു​ക്ക​ണ​മെ​ന്നു​ കാ​ണി​ച്ച്​ ​പ്രോ​സി​ക്യൂ​ഷ​ന്​ പ​രാ​തി ന​ൽ​കി​യ​ത്.

സ്വ​ദേ​ശി​യു​ടെ വ്യ​ക്​​തി​വി​വ​ര​ങ്ങ​ൾ ഉ​പ​യോ​ഗി​ച്ച്​ നി​യ​മ​വി​രു​ദ്ധ​മാ​യി ര​ജി​സ്​​റ്റ​ർ ചെ​യ്​​താ​ണ്​​ സ്​​ഥാ​പ​നം പ്ര​വ​ർ​ത്തി​ച്ചി​രു​ന്ന​തെ​ന്ന്​ ​അ​ന്വേ​ഷ​ണ​ത്തി​ൽ ക​ണ്ടെ​ത്തി​യി​രു​ന്നു. ഒ​രാ​ഴ്ച​ക്കു​ള്ളി​ൽ നി​യ​മ​ലം​ഘ​നം ഒ​ഴി​വാ​ക്കാ​ൻ നോ​ട്ടീ​സ്​ ന​ൽ​കി​​യെ​ങ്കി​ലും അ​ത്​ പാ​ലി​ക്കു​ന്ന​തി​ൽ വീ​ഴ്ച വ​രു​ത്തി​യ​തി​നെ തു​ട​ർ​ന്നാ​ണ്​ ബ​ന്ധ​പ്പെ​ട്ട​വ​ർ ക​ടു​ത്ത ന​ട​പ​ടി സ്വീ​ക​രി​ച്ച​ത്.