കുവൈത്ത് സിറ്റി: കെയ്റോയിൽ നടക്കുന്ന അറബ് അക്വാട്ടിക്സ് ചാംമ്പ്യൻഷിപ്പിൽ കുവൈത്തിന് കൂടുതൽ മെഡലുകൾ.
രണ്ടാം ദിവസം ആറ് മെഡലുകൾ കൂടി നേടി കുവൈത്ത് സംഘം മെഡലുകളുടെ എണ്ണം 14 ആയി ഉയർത്തി. 15-16 വയസ്സിനിടയിലുള്ളവരുടെ 50 മീറ്റർ ഫ്രീസ്റ്റൈൽ മത്സരത്തിൽ പുതിയ അറബ് റെക്കോർഡ് സ്ഥാപിച്ച മുഹമ്മദ് സുബൈദ് മൂന്നാം സ്വർണം നേടി രണ്ടാം ദിനത്തിൽ താരമായി. ഖാലിദ് അൽ ഒതൈബി, സൗദ് അൽ എൻസി, അബ്ദുല്ല സുൽത്താൻ എന്നിവർ വെങ്കല മെഡലുകൾ നേടി. 13-14 വയസ്സിനിടയിലുള്ള 4x100 മീറ്റർ ഫ്രീസ്റ്റൈൽ റിലേയിൽ കുവൈത്ത് ടീം വെള്ളി മെഡലും നേടി.
ചാംമ്പ്യൻഷിപ്പിൽ 17 അറബ് രാജ്യങ്ങളിൽനിന്നുള്ള അത്ലറ്റുകൾ പങ്കെടുക്കുന്നുണ്ട്. കുവൈത്തനായി ആൺ കുട്ടികളും പെൺകുട്ടികളും അടങ്ങുന്ന 27 നീന്തൽ താരങ്ങൾ മത്സരിക്കുന്നുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.