ആഭ്യന്തര മന്ത്രാലയം അണ്ടർ സെക്രട്ടറി ലഫ്.ജനറൽ ശൈഖ് സാലിം നവാഫ് അൽ അഹമ്മദ് അസ്സബാഹ് സുരക്ഷാ ക്രമീകരണങ്ങൾ വിലയിരുത്തുന്നു
കുവൈത്ത് സിറ്റി: ആശൂറ ദിനത്തിൽ ഹുസൈനിയകളിലെ സന്ദർശകരുടെ സുരക്ഷ സംരക്ഷിക്കുന്നതിനുള്ള തയാറെടുപ്പുകൾ ആഭ്യന്തര മന്ത്രാലയം അണ്ടർ സെക്രട്ടറി ലഫ്.ജനറൽ ശൈഖ് സാലിം നവാഫ് അൽ അഹമ്മദ് അസ്സബാഹ് വിലയിരുത്തി. ജഹ്‌റ, ഹവല്ലി ഗവർണറേറ്റുകളിൽ ഹുസൈനിയകളിൽ അദ്ദേഹം പരിശോധന പര്യടനം നടത്തി. സന്ദർശകരുടെ സുരക്ഷ ഉറപ്പാക്കാനും അവർ നേരിടുന്ന തടസ്സങ്ങളോ ബുദ്ധിമുട്ടുകളോ നീക്കം ചെയ്യാനും സുരക്ഷ ഉദ്യോഗസ്ഥരോട് അദ്ദേഹം അഭ്യർഥിച്ചു. ഹുസൈനിയകളുടെ സ്ഥലങ്ങൾ സുരക്ഷിതമാക്കുന്നതിനുള്ള മന്ത്രാലയത്തിന്‍റെ ഫീൽഡ് സെക്യൂരിറ്റി പ്ലാൻ പരിശോധിക്കാൻ ഫീൽഡ് ഉദ്യോഗസ്ഥരുമായും ശൈഖ് സാലിം നവാഫ് അൽ അഹമ്മദ് അസ്സബാഹ് കൂടിക്കാഴ്ച നടത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.