ഉപതെരഞ്ഞെടുപ്പ്​: ഉബൈദ്​ അൽവസ്​മിക്ക്​ ഉജ്ജ്വല ജയം

കുവൈത്ത്​ സിറ്റി: കുവൈത്ത്​ പാർലമെൻറി​െൻറ അഞ്ചാം മണ്ഡലത്തിലേക്ക്​ നടന്ന ഉപതെരഞ്ഞെടുപ്പിൽ മുൻ എം.പി ഡോ. ഉബൈദ്​ അൽ വസ്​മിക്ക്​ (50) ഉജ്ജ്വല വിജയം. 43,810 വോട്ട്​ നേടിയാണ്​ അദ്ദേഹം റെക്കോഡ്​ വിജയം കരസ്ഥമാക്കിയത്​. പ്രചാരണ ഘട്ടത്തിൽതന്നെ അദ്ദേഹത്തി​െൻറ വിജയം പ്രവചിക്കപ്പെട്ടിരുന്നു. കുവൈത്ത്​ സർവകലാശാല അധ്യാപകനും പ്രൊസീജ്വറൽ ലോയിൽ ഗവേഷണ ബിരുദം സ്വന്തമാക്കിയയാളുമാണ്​ ഡോ. ഉബൈദ്​ മുഹമ്മദ്​ അൽ മുതൈരി എന്ന ഉബൈദ്​ വസ്​മി.

അഞ്ചാം മണ്ഡലത്തിൽനിന്ന്​ ജയിച്ച ബദർ സയിദ്​ അൽ ആസ്​മിയെ (ഡോ. ബദർ അൽ ദഹൂം) ഭരണഘടന കോടതി അയോഗ്യനാക്കിയതിനെ തുടർന്നാണ്​ ഉപതെരഞ്ഞെടുപ്പ്​ വേണ്ടിവന്നത്​.

ഡോ. ബദർ അൽ ദഹൂമിന്​​ തെരഞ്ഞെടുപ്പിൽ മത്സരിക്കാനുള്ള യോഗ്യതയുണ്ടായിരുന്നില്ല എന്ന്​ ചൂണ്ടിക്കാട്ടിയാണ്​ ഭരണഘടന കോടതി നടപടി സ്വീകരിച്ചത്​. പ്രതിപക്ഷ എം.പിമാർ ഇതിൽ പ്രതിഷേധം ഉയർത്തിയെങ്കിലും അംഗീകരിക്കപ്പെട്ടില്ല. രാജ്യത്തി​െൻറ ചരിത്രത്തിലെ 14ാമത്​ ഉപതെരഞ്ഞെടുപ്പാണിത്​.

രണ്ട്​ വനിതകൾ ഉൾപ്പെടെ 35 സ്ഥാനാർഥികളാണ്​ ജനവിധി തേടിയത്​. കോവിഡ്​ പശ്ചാത്തലത്തിൽ കോവിഡ്​ പശ്ചാത്തലത്തിൽ കർശന നിയ​ന്ത്രണങ്ങളോടെയാണ്​ തെരഞ്ഞെടുപ്പ്​ പ്രക്രിയ നടന്നത്​. കോവിഡ്​ രോഗികൾക്ക്​ പ്രത്യേക ബൂത്ത്​ സജ്ജീകരിച്ചിരുന്നു. സാമൂഹിക അകലം പാലിച്ചായിരുന്നു ക്രമീകരണം.