കുവൈത്ത് സിറ്റി: കുവൈത്തിൽ 729 പേർക്കുകൂടി കോവിഡ് സ്ഥിരീകരിച്ചു. ഇതുവരെ 1,14,744 പേർക്കാണ് വൈറസ് ബാധിച്ചത്. വെള്ളിയാഴ്ച 649 പേർ ഉൾപ്പെടെ 1,06,495 പേർ രോഗമുക്തി നേടി. ആറുപേർ കൂടി മരിച്ചതോടെ രാജ്യത്തെ കോവിഡ് മരണം 690 ആയി. ബാക്കി 7559 പേരാണ് ചികിത്സയിലുള്ളത്. 136 പേർ തീവ്രപരിചരണ വിഭാഗത്തിലാണ്. 8014 പേർക്കാണ് പുതുതായി കോവിഡ് പരിശോധന നടത്തിയത്.
കോവിഡ് പരിശോധനയുടെ എണ്ണം വർധിപ്പിച്ചതാണ് കഴിഞ്ഞ ആഴ്ചയിലെ സവിശേഷത. പ്രതിദിന മരണ സംഖ്യ മൂന്നും നാലും ആയിരുന്നത് ആറും ഏഴും എട്ടുമായി വർധിച്ചതും ആശങ്കജനകമാണ്. ഒരാഴ്ചയിലെ കണക്കെടുത്താൽ പുതിയ കേസുകളും രോഗമുക്തിയും ഏതാണ്ട് ഒപ്പത്തിനൊപ്പമാണ്. ജനങ്ങൾ ജാഗ്രത പാലിക്കണമെന്ന് ആരോഗ്യ മന്ത്രാലയം ആവശ്യപ്പെടുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.