കുവൈത്ത് സിറ്റി: കണ്‍സള്‍ട്ടന്റ് റേഡിയോളജിസ്റ്റും 29 വര്‍ഷത്തെ പ്രവൃത്തിപരിചയവുമുള്ള ഡോ. നവാല്‍ അല്‍ മൂസവി മെട്രോ മെഡിക്കല്‍ ഗ്രൂപ്പില്‍ ചാര്‍ജെടുക്കുന്നു.
ജര്‍മനിയിലെ മെര്‍ഹേം ഹോസ്പിറ്റലില്‍ ഡയഗ്‌നോസ്റ്റിക് റേഡിയോളജിസ്റ്റായി സേവനം ചെയ്യുകയും ജര്‍മനിയില്‍വെച്ചുതന്നെ ഡയഗ്‌നോസ്റ്റിക് റേഡിയോളജിയില്‍ ഡോക്ടറേറ്റ് നേടുകയും ചെയ്ത ഇവർ പിന്നീട് കുവൈത്തിലെ ആംഡ് ഫോഴ്‌സ് ഹോസ്പിറ്റലില്‍ ഡയഗ്‌നോസ്റ്റിക് റേഡിയോളജിയില്‍ സ്‌പെഷ്യലിസ്റ്റായും റേഡിയോളജി ഡയറക്ടറായും കണ്‍സള്‍ട്ടന്റ് റേഡിയോളജിസ്റ്റായും ദീര്‍ഘകാലം ജോലി ചെയ്തു.
കുവൈത്തിലെ അല്‍ സീഫ് ഹോസ്പിറ്റലില്‍ കണ്‍സള്‍ട്ടന്റ് റേഡിയോളജിസ്റ്റായും റേഡിയോളജി വിഭാഗം മേധാവിയായും സേവനമനുഷ്ഠിച്ചിട്ടുണ്ട്. റേഡിയോളജി വിഭാഗത്തിലെ മികച്ച പരിചയസമ്പത്തും നേട്ടങ്ങളമുള്ള ഇവർ ഇനി മുതല്‍ മെട്രോ മെഡിക്കല്‍ ഗ്രൂപ്പില്‍ ചാര്‍ജെടുക്കുമെന്നും എം.ആര്‍.ഐ, സി.ടി സ്‌കാന്‍ തുടങ്ങിയ നൂതന സംവിധാനങ്ങള്‍ പ്രത്യേക ഓഫറോടുകൂടി ലഭ്യമാക്കിയിട്ടുണ്ടെന്നും മെട്രോ മാനേജ്‌മെന്റ് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.