എറണാകുളം ജില്ല അസോസിയേഷൻ ഓണോത്സവം ഫിലിപ്പ് കോശി ഉദ്ഘാടനം ചെയ്യുന്നു
കുവൈത്ത് സിറ്റി: എറണാകുളം ജില്ല അസോസിയേഷൻ (ഇ.ഡി.എ) കുവൈത്ത് ഓണാഘോഷം അബ്ബാസിയ ഇന്ത്യൻ സെൻട്രൽ സ്കൂൾ ഓഡിറ്റോറിയത്തിൽ നടന്നു. പ്രസിഡന്‍റ് വർഗീസ് പോൾ അധ്യക്ഷത വഹിച്ചു. ഫിലിപ്പ് കോശി ഉദ്ഘാടനം ചെയ്തു. ശിഫ അൽ ജസീറ പ്രതിനിധി ഗുണശീലൻ, ഭാരവാഹികളായ പ്രിൻസ് തച്ചിൽ, പ്രവീൺ മാടശ്ശേരി, തെരേസ ആന്‍റണി, സജി വർഗീസ്, ബ്രിജിറ്റ് മരിയ ബെന്നി, ബാബുരാജ് പള്ളുരുത്തി, ഫ്രാൻസിസ് ബോൾഗാട്ടി, പീറ്റർ കെ.മാത്യു, അനു കാർത്തികേയൻ എന്നിവർ ഓണാശംസകൾ നേർന്നു.
ഇ.ഡി.എ സുവനീർ കൺവീനർ അജി മത്തായി ലൂസിയ വില്യമ്മിന് കോപ്പി നൽകി പ്രകാശനം ചെയ്തു. ഹാസ്യതാരം സുധീർ പറവൂറിന്റെ കലാപ്രകടനങ്ങൾ, പൊലികയുടെ നാടൻപാട്ട്, ചെണ്ടമേളം, താലപ്പൊലി, പുലികളി എന്നിവ ഓണോത്സവത്തിന് ആവേശം പകർന്നു. അബ്ബാസിയ യൂനിറ്റ് ഒരുക്കിയ ഓണപ്പൂക്കളവും ശ്രദ്ധേയമായി. കൂപ്പൺ നറുക്കെടുപ്പിൽ സജീവ് കുമാറും പായസം മത്സരത്തിൽ ജിമ്മി തോമസും മലയാളി മങ്ക മത്സരത്തിൽ നിഷ സിബിയും ഒന്നാം സ്ഥാനം നേടി.
എറണാകുളം ജില്ല അസോസിയേഷൻ ഓണോത്സവം സദസ്സ്
ജോളി ജോർജ്, ബിന്ദു പ്രിൻസ് എന്നിവരുടെ അവതരണം പരിപാടിയുടെ മാറ്റുകൂട്ടി. ഓണസദ്യയും ഒരുക്കിയിരുന്നു. ജിയോ മത്തായി, ജോബി ഈരാളി, ജിജു പോൾ, ജോസഫ് കോമ്പാറ, ബിജു സി.ഡി, വർഗീസ് കെ.എം, ജിസ്സി ജിഷോയ്, ജിൻസി ലൗസൺ, ഷജിനി അജി, ഷൈനി തങ്കച്ചൻ, ഷീബ പേയ്റ്റൻ എന്നിവർ നേതൃത്വം നൽകി. ജനറൽ സെക്രട്ടറി തങ്കച്ചൻ ജോസഫ് സ്വാഗതവും ഇവന്റ് കൺവീനർ ജിനോ എം.കെ നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.