കെ. ഹസൻകോയക്ക് കോഴിക്കോട് ജില്ല അസോസിയേഷൻ നൽകിയ യാത്രയയപ്പ്
കുവൈത്ത് സിറ്റി: ദീർഘകാല പ്രവാസ ജീവിതം അവസാനിപ്പിച്ച്‌ മടങ്ങുന്ന കെ. ഹസൻകോയക്ക് കോഴിക്കോട് ജില്ല അസോസിയേഷൻ യാത്രയയപ്പ് നൽകി.
സംഘടന രൂപവത്കരിച്ചത് മുതൽ വൈസ് പ്രസിഡൻറ് ഉൾപ്പെടെ നിരവധി സ്ഥാനങ്ങൾ അദ്ദേഹം അലങ്കരിച്ചിട്ടുണ്ട്.
യോഗത്തിൽ പ്രസിഡൻറ് സി. ഹനീഫ് അധ്യക്ഷതവഹിക്കുകയും ഉപഹാരം നൽകുകയും ചെയ്തു. ജനറൽ സെക്രട്ടറി കെ. ഷൈജിത്ത് സ്വാഗതം പറഞ്ഞു.
രക്ഷാധികാരി ആർ.ബി. പ്രമോദ്, മഹിളാവേദി സെക്രട്ടറി ജീവ ജയേഷ്, ട്രഷറർ സിസിത ഗിരീഷ്, ഭാരവാഹികളായ പി.വി. വിനീഷ്, ടി.വി. അസ്‌ലം, എം.കെ. മജീദ്, പി.വി. നജീബ്, റിജിൻ രാജ്, പ്രശാന്ത് എന്നിവരും വിശിഷ്ടാംഗങ്ങളായ ഹമീദ് കേളോത്ത്, രാകേഷ് എന്നിവരും ശിവകുമാർ, മുസ്തഫ മൈത്രി, ജ്യോതി ശിവകുമാർ തുടങ്ങിയവരും സംസാരിച്ചു. ട്രഷറർ ജാവേദ് ബിൻ ഹമീദ് നന്ദി പറഞ്ഞു. സംഘടന നാട്ടിൽ നടത്തുന്ന സേവന പ്രവർത്തനങ്ങളിൽ സഹകരണവും പിന്തുണയുമുണ്ടാകുമെന്ന് ഹസൻകോയ ഉറപ്പുനൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.