മുതിർന്ന മാധ്യമപ്രവർത്തകൻ എ.എം. ഹസ്സന് കുവൈത്ത് കെ.എം.സി.സി നൽകിയ യാത്രയയപ്പ്
കുവൈത്ത് സിറ്റി: ദീർഘകാലത്തെ പ്രവാസ ജീവിതം മതിയാക്കി നാട്ടിലേക്ക് മടങ്ങിയ മുതിർന്ന മാധ്യമപ്രവർത്തകൻ എ.എം. ഹസ്സന് കുവൈത്ത് കെ.എം.സി.സി യാത്രയയപ്പ് നൽകി.
കുവൈത്ത് കെ.എം.സി.സി ഓഫിസിൽ നടന്ന പരിപാടി ഉപദേശക സമിതി ചെയർമാൻ നാസർ മശ്ഹൂർ തങ്ങൾ ഉദ്‌ഘാടനം ചെയ്തു. പ്രസിഡൻറ് ശറഫുദ്ദീൻ കണ്ണേത്ത് അധ്യക്ഷത വഹിച്ചു.
കണ്ണൂരിൽ പ്രാദേശിക ലേഖകനായി പത്രപ്രവർത്തനം തുടങ്ങിയ എ.എം. ഹസ്സൻ ചന്ദ്രികയുടെ വിവിധ ബ്യൂറോകളിൽ ലേഖകനായി പ്രവർത്തിച്ചിട്ടുണ്ട്. നിയമസഭ ലേഖകനായി തിരുവന്തപുരത്ത്‌ പ്രവർത്തിക്കവേയാണ് കുവൈത്തിലേക്കെത്തുന്നത്.
കുവൈത്ത് കെ.എം.സി.സിയുടെ ഉപഹാരം നാസർ തങ്ങളും ശറഫുദ്ദീൻ കണ്ണേത്തും കൂടി കൈമാറി.
ട്രഷറർ എം.ആർ. നാസർ, വൈസ് പ്രസിഡൻറുമാരായ ഹാരിസ് വള്ളിയോത്ത്, ശഹീദ് പാട്ടില്ലത്ത്, സെക്രട്ടറിമാരായ സിറാജ് എരഞ്ഞിക്കൽ, എൻജിനീയർ മുഷ്താഖ്, ശരീഫ് ഒതുക്കുങ്ങൽ, റസാഖ് അയ്യൂർ, ജില്ല മണ്ഡലം നേതാക്കളായ ഡോ. മുഹമ്മദലി, അബ്ദു കടവത്ത്, ഫാറൂഖ് ഹമദാനി, സുഹൈൽ സുലൈമാൻ എന്നിവർ സംസാരിച്ചു.
എ.എം. ഹസൻ മറുപടി പ്രസംഗം നിർവഹിച്ചു. കുവൈത്ത് കെ.എം.സി.സി സംസ്ഥാന ജനറൽ സെക്രട്ടറി എം.കെ. അബ്ദുൽ റസാക്ക് പേരാമ്പ്ര സ്വാഗതവും കണ്ണൂർ ജില്ല വൈസ് പ്രസിഡൻറ് മുസ്തഫ ഏഴോം നന്ദിയും പറഞ്ഞു
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.