മുഹമ്മദ് ഷാദുലിക്ക് ഐ.ഐ.സി അഹ്‌മദി ഏരിയ നൽകിയ യാത്രയയപ്പ്
കുവൈത്ത് സിറ്റി: 28 വർഷത്തെ കുവൈത്ത് പ്രവാസ ജീവിതം അവസാനിപ്പിച്ച് മടങ്ങുന്ന മുഹമ്മദ് ഷാദുലിക്ക് ഇന്ത്യൻ ഇസ്ലാഹി സെൻറർ അഹ്‌മദി ഏരിയ യാത്രയയപ്പ് നൽകി. മംഗഫ് മെമ്മറീസ്‌ ഓഡിറ്റോറിയത്തിൽ നടന്ന ഇസ്ലാഹീ കുടുംബസംഗമത്തിൽ ഇന്ത്യൻ ഇസ്ലാഹി സെൻറർ വൈസ് പ്രസിഡൻറ് സിദ്ദീഖ് മദനി ഉപഹാരം കൈമാറി. കെ.എൻ.പി.സിയിൽ കെമിക്കൽ എൻജിനീയറായി ജോലി ചെയ്യുന്ന അദ്ദേഹം ഐ.ഐ.സി കേന്ദ്ര കമ്മിറ്റിയിലും ശാഖ കമ്മിറ്റിയിലും ഭാരവാഹിയായിട്ടുണ്ട്. കുവൈത്തിലെയും നാട്ടിലെയും ജീവകാരുണ്യപ്രവർത്തനങ്ങളിൽ സജീവമാണ്. സിദ്ദീഖ് മദനി, അബ്ദുറഹ്‍മാൻ തങ്ങൾ, അബ്ദുൽ അസീസ് സലഫി, മുഹമ്മദ് ശാദുലി, ഫിറോസ് ചുങ്കത്തറ, അബ്ദുൽ നാസർ മൗലവി എന്നിവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.