ന​യ​ത​ന്ത്ര ജീ​വ​ന​ക്കാ​രു​ടെ വാ​ക്​​സി​നേ​ഷ​ൻ ഉ​ട​ൻ

കു​വൈ​ത്ത്​ സി​റ്റി: കു​വൈ​ത്തി​ൽ വി​വി​ധ രാ​ജ്യ​ങ്ങ​ളു​ടെ ന​യ​ത​ന്ത്ര ജീ​വ​ന​ക്കാ​ർ​ക്കും അ​വ​രു​ടെ കു​ടും​ബ​ങ്ങ​ൾ​ക്കും​ കോ​വി​ഡ്​ വാ​ക്​​സി​ൻ വൈ​കാ​തെ ന​ൽ​കും. ഇ​വ​രെ മു​ൻ​ഗ​ണ​ന പ​ട്ടി​ക​യി​ൽ ഉ​ൾ​പ്പെ​ടു​ത്തി ആ​രോ​ഗ്യ മ​ന്ത്രാ​ല​യം ഉ​ത്ത​ര​വി​ട്ടു. അ​ത​ത്​ രാ​ജ്യ​ങ്ങ​ളു​​ടെ എം​ബ​സി​ക​ളി​ൽ ​കു​വൈ​ത്ത്​ ആ​രോ​ഗ്യ മ​ന്ത്രാ​ല​യ​ത്തി​െൻറ മൊ​ബൈ​ൽ വാ​ക്​​സി​നേ​ഷ​ൻ യൂ​നി​റ്റു​ക​ൾ എ​ത്തി കു​​ത്തി​വെ​പ്പെ​ടു​ക്കാ​നാ​ണ്​ നീ​ക്കം.

പ്രാ​യ​മാ​യ​വ​ർ​ക്കും ആ​രോ​ഗ്യ പ്ര​വ​ർ​ത്ത​ക​ർ​ക്കും കു​ത്തി​വെ​പ്പ്​ ദൗ​ത്യം പൂ​ർ​ത്തി​യാ​ക്കി​യ ആ​രോ​ഗ്യ മ​ന്ത്രാ​ല​യം ഒാ​രോ വി​ഭാ​ഗ​ങ്ങ​ളാ​യി മു​ൻ​ഗ​ണ​ന​ക്ര​മ​ത്തി​ൽ കു​ത്തി​വെ​പ്പി​ന്​ അ​പ്പോ​യ്​​ൻ​റ്​​മെൻറ്​ ന​ൽ​കു​ക​യാ​ണ്. സ​ഹ​ക​ര​ണ സം​ഘം ജീ​വ​ന​ക്കാ​ർ, അ​ധ്യാ​പ​രും അ​ല്ലാ​ത്ത​വ​രു​മാ​യ വി​ദ്യാ​ഭ്യാ​സ ജീ​വ​ന​ക്കാ​ർ എ​ന്നി​വ​രെ മു​ൻ​ഗ​ണ​ന പ​ട്ടി​ക​യി​ൽ ഉ​ൾ​പ്പെ​ടു​ത്തി​യി​ട്ടു​ണ്ട്.

വാ​ണി​ജ്യ സ്ഥാ​പ​ന​ങ്ങ​ളി​ലെ ജീ​വ​ന​ക്കാ​ർ​ക്കു​ള്ള കോ​വി​ഡ്​ വാ​ക്​​സി​നേ​ഷ​ൻ കാ​മ്പ​യി​ൻ മാ​ർ​ച്ച്​ അ​വ​സാ​ന​ത്തോ​ടെ​യോ അ​ടു​ത്ത മാ​സം ആ​ദ്യ​മോ ആ​രം​ഭി​ക്കും. സ​ലൂ​ൺ, റ​സ്​​റ്റാ​റ​ൻ​റ്, വാ​ണി​ജ്യ സ​മു​ച്ച​യ​ങ്ങ​ൾ തു​ട​ങ്ങി​യ സ്ഥാ​പ​ന​ങ്ങ​ളി​ലെ ജീ​വ​ന​ക്കാ​രെ അ​ടു​ത്ത ഘ​ട്ട​ത്തി​ൽ ഉ​ൾ​പ്പെ​ടു​ത്തി​യി​ട്ടു​ണ്ട്.

പൊ​തു​ജ​ന​വു​മാ​യി നേ​രി​ട്ട്‌ ഇ​ട​പെ​ടു​ന്ന​വ​ർ എ​ന്ന നി​ല​യി​ലാ​ണ്​ ഇ​വ​ർ​ക്ക്​ മു​ൻ​ഗ​ണ​ന ന​ൽ​കി​യ​ത്. അ​തോ​ടൊ​പ്പം രാ​ജ്യ​ത്തെ സ​ര്‍ക്കാ​ര്‍ സ്വ​കാ​ര്യ മാ​ധ്യ​മ​സ്ഥാ​പ​ന​ങ്ങ​ളി​ലെ ജീ​വ​ന​ക്കാ​ര്‍ക്കും വാ​ക്‌​സി​ന്‍ ല​ഭ്യ​മാ​ക്കും. അ​ടു​ത്ത മാ​സം മാ​​ധ്യ​മ​പ്ര​വ​ർ​ത്ത​ക​ർ​ക്ക്​ കു​ത്തി​വെ​പ്പി​ന്​ തീ​യ​തി അ​നു​വ​ദി​ച്ചേ​ക്കും.