കു​വൈ​ത്ത് റ​ഷ്യ​യു​മാ​യി ര​ണ്ട് ക​രാ​റു​ക​ളി​ൽ ഒ​പ്പു​​െവ​ച്ചു

കു​വൈ​ത്ത് സി​റ്റി: കു​വൈ​ത്ത് റ​ഷ്യ​യു​മാ​യി ജു​ഡീ​ഷ്യ​ൽ, നി​യ​മ സ​ഹ​ക​ര​ണ​ത്തി​നു​ള്ള ര​ണ്ട് ക​രാ​റു​ക​ളി​ൽ ഒ​പ്പു​വെ​ച്ചു. റ​ഷ്യ​ൻ ന​ഗ​ര​മാ​യ സെ​ന്‍റ് പീ​റ്റേ​ഴ്‌​സ്ബ​ർ​ഗ് ആ​തി​ഥേ​യ​ത്വം വ​ഹി​ച്ച 12ാമ​ത് ഇ​ന്‍റ​ർ​നാ​ഷ​ന​ൽ ലീ​ഗ​ൽ ഫോ​റ​ത്തി​ൽ വെ​ച്ച് കു​വൈ​ത്ത് നീ​തി​ന്യാ​യ, ഔ​ഖാ​ഫ്, ഇ​സ്‌​ലാ​മി​ക കാ​ര്യ മ​ന്ത്രി ഡോ. ​മു​ഹ​മ്മ​ദ് അ​ൽ വാ​സ്മി​യും റ​ഷ്യ​ൻ നീ​തി​ന്യാ​യ മ​ന്ത്രി കോ​ൺ​സ്റ്റാ​ന്‍റി​ൻ ചു​യ്‌​ചെ​ങ്കോ​യു​മാ​ണ് ക​രാ​റു​ക​ളി​ൽ ഒ​പ്പു​വെ​ച്ച​ത്.

ര​ണ്ട് രാ​ജ്യ​ങ്ങ​ളും ത​മ്മി​ലു​ള്ള ബ​ന്ധ​ത്തി​ന് അ​ടി​വ​ര​യി​ടു​ന്ന​താ​ണ് ക​രാ​റെ​ന്ന് കു​വൈ​ത്ത് നീ​തി​ന്യാ​യ മ​ന്ത്രാ​ല​യം പ്ര​സ്താ​വ​ന​യി​ൽ പ​റ​ഞ്ഞു. കു​റ്റ​കൃ​ത്യ​ങ്ങ​ളെ ചെ​റു​ക്കു​ന്ന​തി​ൽ ഫ​ല​പ്ര​ദ​മാ​യ സ​ഹ​ക​ര​ണം സ്ഥാ​പി​ക്കു​ക​യാ​ണ് ക​രാ​റി​ലൂ​ടെ ല​ക്ഷ്യ​മെ​ന്നും സൂ​ചി​പ്പി​ച്ചു. കു​റ്റ​വാ​ളി​ക​ളെ കൈ​മാ​റു​ന്ന​തി​നു​ള്ള ന​ട​പ​ടി​ക്ര​മ നി​ബ​ന്ധ​ന​ക​ൾ, അ​ന്താ​രാ​ഷ്ട്ര മാ​ന​ദ​ണ്ഡ​ങ്ങ​ൾ​ക്ക​നു​സൃ​ത​മാ​യി പ്രോ​സി​ക്യൂ​ഷ​ൻ നി​യ​ന്ത്ര​ണ​ങ്ങ​ൾ എ​ന്നി​വ ക​രാ​റി​ൽ ഉ​ൾ​പ്പെ​ടു​ന്നു​ണ്ട്.