കായൻസ് കുവൈത്ത് 'അഗ്നി-2' പോസ്റ്റർ പ്രകാശനം ആർ.സി. സുരേഷും കെ.എസ് വർഗീസും
ചേർന്ന് നിർവഹിക്കുന്നു
കുവൈത്ത് സിറ്റി: കായംകുളം എൻ.ആർ.ഐ (കായൻസ്) കുവൈത്തിന്‍റെ ഇരുപതാം വാർഷികം വിപുലമായ പരിപാടികളോടെ ആഘോഷിക്കും. ഇതിനോടനുബന്ധിച്ച് സൂര്യയുടെ അഗ്നി-2 മെഗാഷോ ആഗസ്റ്റ് 11ന് അമേരിക്കൻ ഇന്‍റർനാഷനൽ സ്കൂൾ മൈദാൻ ഹവല്ലിയിൽ നടത്തും.
20ൽപരം കലാകാരന്മാരെ ഉൾപ്പെടുത്തി സൂര്യ കൃഷ്ണമൂർത്തി അണിയിച്ചൊരുക്കുന്ന മെഗാ പരിപാടിയാണ് അഗ്നി-2. ഇതിന്‍റെ പോസ്റ്റർ പ്രകാശനം ലോട്ടസ് ട്രേഡിങ് കമ്പനി ജനറൽ മാനേജർ ആർ.സി. സുരേഷും ഗാറ്റ്‌സ് കമ്പനി ജനറൽ മാനേജർ കെ. എസ്. വർഗീസും ചേർന്ന് നിർവഹിച്ചു.
അബ്ബാസിയ കാലിക്കറ്റ് ഷെഫ് റസ്റ്റാറന്റിൽ നടന്ന പരിപാടിയിൽ പ്രസിഡന്‍റ് ബി.എസ്. പിള്ള അധ്യക്ഷത വഹിച്ചു. അഗ്നി-2 ന്‍റെ കൺവീനർമാർ, എക്സിക്യൂട്ടിവ് അംഗങ്ങൾ തുടങ്ങിയവർ പങ്കെടുത്തു. ജനറൽ സെക്രട്ടറി വഹാബ് റഹ്മാൻ സ്വാഗതവും ട്രഷറർ ഖലീൽ നന്ദിയും രേഖപ്പെടുത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.