കുവൈത്ത് സിറ്റി: കുവൈത്ത് കേരള മുസ്‍ലിം അസോസിയേഷനിൽ (കെ.കെ.എം.എ) അംഗമായിരിക്കെ മരണപ്പെട്ട 19 അംഗങ്ങളുടെ കുടുംബങ്ങൾക്കുള്ള ക്ഷേമനിധി ചൊവ്വാഴ്ച അവരുടെ കുടുംബങ്ങളെ ഏൽപിക്കും. കോഴിക്കോട് എം.എസ്.എസ് ഓഡിറ്റോറിയത്തിൽ രാവിലെ പത്തിനാണ് പരിപാടി.
സംഘടന അംഗങ്ങളായിരിക്കെ മരണപ്പെട്ടവരുടെ കുടുംബങ്ങളുടെ ഒത്തുചേരലാകും ഇത്. എൻജിനീയർ സലാഹുദ്ദീൻ (വൈസ് ചെയർമാൻ, ആസ്റ്റർ മിംസ് അക്കാദമി), പണ്ഡിതൻ അൽഹാഫിള് അനസ് മൗലവി, ഡോ. ഇദ്‌രീസ് (തണൽ), കെ.കെ.എം.എ കേന്ദ്ര-സംസ്ഥാന നേതാക്കൾ പ്രവർത്തകർ എന്നിവർ പങ്കെടുക്കും.
അംഗങ്ങൾ മരണപ്പെട്ടാൽ അവരുടെ കുടുംബ സംരക്ഷണം ഏറ്റെടുത്തുകൊണ്ട് കെ.കെ.എം.എ പതിറ്റാണ്ടുകളായി തുടരുന്നതാണ് ക്ഷേമനിധി. ഇതുവരെ 222 പേരുടെ കുടുംബങ്ങൾക്ക് സഹായം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.