കുവൈത്ത് സിറ്റി: പ്രവാസത്തിന്‍റെ നാല് പതിറ്റാണ്ട് പിന്നിട്ട് കുവൈത്തിൽ നിന്നും നാട്ടിലേക്ക് മടങ്ങുന്ന കുവൈത്ത് കേരള മുസ്ലിം അസോസിയേഷൻ ഫർവാനിയ സോൺ വൈസ് പ്രസിഡന്‍റ് യൂസുഫിന് കെ.കെ.എം.എ ഫർവാനിയ സോണൽ കമ്മിറ്റി യാത്രയയപ്പു നൽകി. സോണൽ പ്രസിഡന്‍റ് വി.കെ. അബ്ദുൽ നാസർ അധ്യക്ഷത വഹിച്ചു.
കെ.കെ.എം.എ ഫർവാനിയ ബ്രാഞ്ച് ട്രഷററായും പ്രവർത്തിച്ചിട്ടുണ്ട്. സംഘടന പ്രവർത്തന രംഗത്ത് നിസ്വാർഥമായ സേവനം കൊണ്ട് സജീവമായിരുന്ന യൂസുഫിന്‍റെ പ്രവർത്തന കാലഘട്ടത്തെ യോഗത്തിൽ സംസാരിച്ചവർ അനുസ്മരിച്ചു.
ഫർവാനിയ സോണൽ വർക്കിങ് പ്രസിഡന്‍റ് മൊയ്തീൻ കോയ, അഡ്മിൻ സെക്രട്ടറി ജംഷീദ്, വൈസ് പ്രസിഡന്‍റ് മഹമൂദ് പെരുമ്പ, ഫർവാനിയ ബ്രാഞ്ച് പ്രസിഡന്‍റ് പി.പി.പി. സലീം, അബ്ബാസിയ ബ്രാഞ്ച് പ്രസിഡന്‍റ് അബ്ദുൽ ലത്തീഫ് ചങ്ങളകുളം എന്നിവർ ആശംസകൾ നേർന്നു. ട്രഷറർ പി.എം. ശരീഫ് നന്ദി പറഞ്ഞു. സംഘടനയുടെ ഉപഹാരം യോഗത്തിൽ കൈമാറി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.