കെ.എം.സി.സി വടകര മണ്ഡലം കമ്മിറ്റി സമ്മേളനത്തിന്റെ കൂപ്പൺ വിതരണം
കുവൈത്ത് സിറ്റി: കുവൈത്ത് കെ.എം.സി.സി വടകര നിയോജക മണ്ഡലം കമ്മിറ്റി ‘തംകീൻ’ സമ്മേളന പ്രചരണവും പ്രവർത്തക കൺവെൻഷനും സംഘടിപ്പിച്ചു. ഫർവാനിയ ഫ്രണ്ട് ലൈൻ ഹാളിൽ നടന്ന പരിപാടിയിൽ മണ്ഡലം പ്രസിഡന്റ്‌ ഷാനവാസ്‌ വെള്ളികുളങ്ങര അധ്യക്ഷത വഹിച്ചു.
സംസ്ഥാന ഉപദേശക സമിതി അംഗം സിദ്ദീഖ് വലിയകത്ത് ഉദ്ഘാടനം ചെയ്തു. സംസ്ഥാന കമ്മിറ്റി സംഘടിപ്പിക്കുന്ന ‘തംകീൻ’ മഹാ സമ്മേളനം വിജയിപ്പിക്കാൻ പ്രചരണം ശക്തിപ്പെടുത്താൻ പരിപാടി ആഹ്വാനം ചെയ്തു. സമ്മേളനത്തിന്റെ ഭാഗമായുള്ള കൂപ്പൺ പരിപാടിയിൽ വിതരണം ചെയ്തു. മുഹമ്മദ്‌ മനോളി, ബഷീർ കോമത്ത് എന്നിവർ ആശംസ നേർന്നു. ആക്ടിങ് സെക്രട്ടറി അലിസഗീർ സ്വാഗതവും റസാഖ് കുന്നുമ്മക്കര നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.