കുവൈത്ത് സിറ്റി: ഔദ്യോഗിക സന്ദര്‍ശനത്തിനായി അമേരിക്കയിലേക്കു പുറപ്പെട്ട അമീര്‍ ശ ൈഖ് സബാഹ് അല്‍ അഹ്മദ് അല്‍ ജാബിര്‍ അസ്സബാഹിനെ അമേരിക്കയിലെ കുവൈത്ത് അംബാസഡര്‍ ശൈഖ് സാലിം അബ്ദുല്ല അല്‍ ജാബിര്‍ അസ്സബാഹും സംഘവും സ്വീകരിച്ചു.
ഐക്യരാഷ്ട്ര സഭ കുവൈത്ത് അംബാസഡര്‍ മന്‍സൂര്‍ ഇയാദ് അല്‍ ഉതൈബിയും ലോസ് ആഞ്ജലസിലെ കുവൈത്ത് കൗണ്‍സില്‍ മേധാവി ഫൈസല്‍ ഇബ്രാഹിം അല്‍ അവ്‌ലിയും അദ്ദേഹത്തെ സ്വീകരിക്കാനെത്തിയിരുന്നു.
ദേശീയ ഗാര്‍ഡ് ഉപമേധാവി ശൈഖ് മിഷാല്‍ അല്‍ അഹ്മദ് അമീറിനെ അനുഗമിച്ചിട്ടുണ്ട്. വാഷിങ്ടണില്‍ നടക്കുന്ന ചില ഔദ്യോഗിക പരിപാടികളില്‍ വരുംദിവസങ്ങളില്‍ അമീര്‍ പങ്കെടുക്കും. സെപ്റ്റംബര്‍ 12ന് വൈറ്റ് ഹൗസില്‍ അമേരിക്കന്‍ പ്രസിഡൻറ് ഡോണള്‍ഡ് ട്രംപുമായി അമീര്‍ കൂടിക്കാഴ്ച നടത്തും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.