കുവൈത്ത് സിറ്റി: ദേശീയദിനം ആഘോഷിക്കുന്ന ദക്ഷിണാഫ്രിക്കക്ക് കുവൈത്തിന്റെ ആശംസ. ദേശീയദിനത്തിൽ അഭിനന്ദനങ്ങൾ അറിയിച്ച് കുവൈത്ത് അമീർ ശൈഖ് നവാഫ് അൽ അഹ്മദ് അൽ ജാബിർ അസ്സബാഹ് ദക്ഷിണാഫ്രിക്കൻ പ്രസിഡന്റ് സിറിൽ റമഫോസക്ക് വ്യാഴാഴ്ച സന്ദേശം അയച്ചു. പ്രസിഡന്റിനും ദക്ഷിണാഫ്രിക്കൻ ജനതക്കും എക്കാലവും പുരോഗതിയും വികസനവും ഉണ്ടാകട്ടെയെന്ന് അമീർ ആശംസിച്ചു. കിരീടാവകാശി ശൈഖ് മിശ്അൽ അൽ അഹ്മദ് അൽ ജാബിർ അസ്സബാഹും, പ്രധാനമന്ത്രി ശൈഖ് അഹ്മദ് നവാഫ് അൽ അഹ്മദ് അസ്സബാഹും ദക്ഷിണാഫ്രിക്കൻ പ്രസിഡന്റിന് ആശംസ സന്ദേശം അയച്ചു. ഇരുവരും ദക്ഷിണാഫ്രിക്കക്കും ജനങ്ങൾക്കും കൂടുതൽ അഭിവൃദ്ധിയും ക്ഷേമവും നേർന്നു. ദേശീയദിനം ആഘോഷിക്കുന്ന പശ്ചിമ ആഫ്രിക്കൻ രാജ്യമായ ടോഗോ പ്രസിഡന്റ് ഫൗർ ഗ്നാസിംഗ്ബെയ്ക്കും ആശംസകൾ അറിയിച്ചു കുവൈത്ത് അമീറും കിരീടാവകാശിയും പ്രധാനമന്ത്രിയും സന്ദേശം അയച്ചു. ടോഗോ പ്രസിഡന്റിനും ജനങ്ങൾക്കും കൂടുതൽ വികസനവും ക്ഷേമവും കൈവരട്ടെ എന്ന് മൂവരും ആശംസിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.