ലുലു ഹൈപ്പർമാർക്കറ്റ് ‘ജോയ് ഓഫ് ഷെയറിങ്’ കാമ്പയിനോടനുബന്ധിച്ച് ഇഫ്താർ കിറ്റ്
വിതരണം നടത്തുന്നു
കുവൈത്ത് സിറ്റി: സഹാനുഭൂതിയുടെയും സഹജീവികളോടുള്ള കരുതലിന്റെയും മാസമായ വിശുദ്ധ റമദാനിൽ ലുലു ഹൈപ്പർമാർക്കറ്റ് 'ജോയ് ഓഫ് ഷെയറിങ്' കാമ്പയിൻ നടത്തുന്നു. ദിവസവും 250 ഇഫ്താർ കിറ്റുകൾ വിതരണം ചെയ്യുന്ന പദ്ധതിയാണ് നടത്തുന്നത്. 'ജോയ് ഓഫ് ഷെയറിങ്' കാമ്പയിനിന്റെ ഭാഗമായി ഇതിനകം ആയിരക്കണക്കിന് കിറ്റുകൾ കുവൈത്തിന്റെ വിവിധ ഭാഗങ്ങളിലുള്ള ലേബർക്യാമ്പുകളിൽ വിതരണം ചെയ്തു.
റമദാൻ അവസാനം വരെ ഇത് തുടരുമെന്ന് മാനേജ്മെൻറ് അറിയിച്ചു. നോമ്പുതുറ വിഭവങ്ങൾ ഒരുക്കാൻ സമയമില്ലാത്തവർക്കും വിഭവങ്ങൾ ഇല്ലാത്തവർക്കും ആശ്വാസമാണ് കിറ്റ് വിതരണം.
ഉപഭോക്താക്കളോടും സമൂഹത്തോടുമുള്ള പ്രതിബദ്ധതയുടെ ഭാഗമായാണ് ലുലു ഹൈപ്പർ മാർക്കറ്റ് ഇത്തരം പദ്ധതികളുമായി രംഗത്തെത്തുന്നതെന്ന് മാനേജ്മെൻറ് വാർത്തക്കുറിപ്പിൽ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.