കുവൈത്ത് സിറ്റി: ദേശീയദിനം ആഘോഷിക്കുന്ന യു.എ.ഇക്ക് കുവൈത്തിന്റെ ആശംസ. 53ാമത് ദേശീയ ദിനത്തിൽ യു.എ.ഇ പ്രസിഡന്റ് ശൈഖ് മുഹമ്മദ് ബിൻ സായിദ് ആൽ നഹ്യാന് കുവൈത്ത് ഉന്നതസംഭരണ നേതൃത്വം ആശംസകൾ അറിയിച്ചു. ദേശീയദിനം ആശംസ നേർന്ന അമീർ ശൈഖ് മിശ്അൽ അൽ അഹമ്മദ് അൽ ജാബിർ അസ്സബാഹ്, കിരീടാവകാശി ശൈഖ് സബാഹ് ഖാലിദ് അൽ ഹമദ് അൽ മുബാറക് അസ്സബാഹ്, പ്രധാനമന്ത്രി ശൈഖ് അഹ്മദ് അബ്ദുല്ല അൽ അഹമ്മദ് അസ്സബാഹ് എന്നിവർ യു.എ.ഇ പ്രസിഡന്റിന് സന്ദേശമയച്ചു.
യു.എ.ഇയുടെ അഭിമാനകരമായ നേട്ടങ്ങളെയും വളർച്ചയെയും അമീർ ശൈഖ് മിശ്അൽ അൽ അഹമ്മദ് അൽ ജാബിർ അസ്സബാഹ് സന്ദേശത്തിൽ അഭിനന്ദിച്ചു. കുവൈത്തും യു.എ.ഇയും തമ്മിലുള്ള ബന്ധത്തിൽ അഭിമാനം പ്രകടിപ്പിക്കുകയും സാധ്യമായ എല്ലാ ഡൊമെയ്‌നുകളിലും അവയെ ശക്തിപ്പെടുത്താനുള്ള താൽപര്യം പ്രകടിപ്പിക്കുകയും ചെയ്തു. ജ്ഞാനപൂർവകമായ നേതൃത്വത്തിൻ കീഴിൽ യു.എ.ഇക്ക് കൂടുതൽ പുരോഗതിയും വികസനവും ഉണ്ടാകട്ടെയെന്നും അമീർ ആശംസിച്ചു. കിരീടാവകാശി ശൈഖ് സബാഹ് ഖാലിദ് അൽ ഹമദ് അൽ മുബാറക് അസ്സബാഹും പ്രധാനമന്ത്രി ശൈഖ് അഹ്മദ് അബ്ദുല്ല അൽ അഹമ്മദ് അസ്സബാഹും യു.എ.ഇക്ക് കൂടുതൽ പുരോഗതിയും വളർച്ചയും നേർന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.