സൗ​ഹൃ​ദ സ​ന്ദേ​ശ​വു​മാ​യി സം​ഘ​ട​ന ഇ​ഫ്​​താ​റു​ക​ൾ

കു​വൈ​ത്ത്​ സി​റ്റി: സൗ​ഹാ​ർ​ദ​ത്തി​​ന്റെ​യും മ​ത​നി​ര​പേ​ക്ഷ​ത​യു​ടെ​യും വി​ളം​ബ​ര​മാ​യി കു​വൈ​ത്തി​ൽ വി​വി​ധ സം​ഘ​ട​ന​ക​ളു​ടെ ഇ​ഫ്​​താ​ർ വി​രു​ന്നു​ക​ൾ സ​ജീ​വം. ജാ​തി​മ​ത വ്യ​ത്യാ​സ​മി​ല്ലാ​തെ ന​ട​ത്ത​പ്പെ​ടു​ന്ന ഇ​ഫ്​​താ​റു​ക​ൾ ബ​ന്ധ​ങ്ങ​ളു​ടെ ഇ​ഴ​യ​ടു​പ്പം വ​ർ​ധി​പ്പി​ക്കാ​ൻ സ​ഹാ​യി​ക്കു​ന്നു.

മ​ത​സം​ഘ​ട​ന​ക​ൾ മാ​ത്ര​മ​ല്ല, പ്രാ​ദേ​ശി​ക കൂ​ട്ടാ​യ്​​മ​ക​ളും ജി​ല്ല, താ​ലൂ​ക്ക്, മേ​ഖ​ല സം​ഘ​ട​ന​ക​ളും സാം​സ്​​കാ​രി​ക കൂ​ട്ടാ​യ്​​മ​ക​ളും വാ​ട്​​സ്ആ​പ്​ ഗ്രൂ​പ്പു​ക​ളും ഇ​ഫ്​​താ​ർ സം​ഗ​മ​ങ്ങ​ൾ ന​ട​ത്തു​ന്നു. ഭാ​ര​വാ​ഹി​ക​ളി​ൽ ഒ​രു മു​സ്​​ലിം പോ​ലും ഇ​ല്ലാ​ത്ത കൂ​ട്ടാ​യ്​​മ​ക​ൾ വ​രെ ഇ​ഫ്​​താ​ർ സം​ഗ​മ​ങ്ങ​ൾ ന​ട​ത്തു​ന്ന​ത്​ നാ​ടി​​ന്റെ സം​സ്​​കാ​ര​വും സ​ഹ​വ​ർ​ത്തി​ത്വ​വും വി​ളി​ച്ചോ​തു​ന്ന ​ഐ​ക്യ​വി​ളം​ബ​ര​മാ​കു​ന്നു.

മി​ക്ക​വാ​റും എ​ല്ലാ ദി​വ​സ​ങ്ങ​ളും രാ​ജ്യ​ത്തി​​ന്റെ വി​വി​ധ ഭാ​ഗ​ങ്ങ​ളി​ൽ ചെ​റു​തും വ​ലു​തു​മാ​യ മ​ല​യാ​ളി സം​ഘ​ട​ന​ക​ളു​ടെ നോ​മ്പു​തു​റ ന​ട​ക്കു​ന്നു​ണ്ട്. വാ​രാ​ന്ത്യ അ​വ​ധി ദി​വ​സ​ങ്ങ​ളി​ൽ ഇ​ഫ്​​താ​റു​ക​ളു​ടെ ചാ​ക​ര​യാ​ണ്. ഈ ​ദി​വ​സ​ങ്ങ​ളി​ൽ ഹാ​ളു​ക​ൾ കി​ട്ടാ​ൻ​ത​ന്നെ ബു​ദ്ധി​മു​ട്ടാ​ണ്. നോ​മ്പു​തു​റ​ക്ക്​ പ​ത്തോ പ​തി​ന​ഞ്ചോ മി​നി​റ്റ്​ മു​മ്പ്​ ല​ഘു​വാ​യി റ​മ​ദാ​ൻ സ​ന്ദേ​ശം കൈ​മാ​റു​ന്ന​ത്​ ഇ​ഫ്​​താ​ർ സം​ഗ​മ​ങ്ങ​ളി​ലെ പ്ര​ധാ​ന അ​ജ​ണ്ട​യാ​ണ്.

മി​ക്ക​വാ​റും മു​സ്​​ലിം സം​ഘ​ട​ന​ക​ളു​ടെ നേ​തൃ​നി​ര​യി​ൽ ഉ​ള്ള​വ​രാ​ണ്​ സ​ന്ദേ​ശ​വാ​ഹ​ക​രെ​ങ്കി​ൽ മു​സ്​​ലിം​ക​ള​ല്ലാ​ത്ത​വ​രും സ​ന്ദേ​ശം ന​ൽ​കു​ന്നു​ണ്ട്. നാ​ട്ടി​ൽ​നി​ന്നെ​ത്തി​യ പ​ണ്ഡി​ത​ന്മാ​രും സ​ന്ദേ​ശ​വാ​ഹ​ക​രാ​യു​ണ്ട്. സ​മൃ​ദ്ധ​മാ​യ ഭ​ക്ഷ​ണ​വി​ഭ​വ​ങ്ങ​ളാ​ണ്​ ഇ​ഫ്​​താ​ർ സം​ഗ​മ​ങ്ങ​ളി​ൽ വി​ത​ര​ണം ചെ​യ്യു​ന്ന​ത്. ലാ​ളി​ത്യം​കൊ​ണ്ട്​ ശ്ര​ദ്ധ പി​ടി​ച്ചു​പ​റ്റു​ന്ന ഇ​ഫ്​​താ​ർ പ​രി​പാ​ടി​ക​ളു​മു​ണ്ട്. മ​റ്റു സം​ഘ​ട​ന പ​രി​പാ​ടി​ക​ൾ താ​ര​ത​മ്യേ​ന വ​ള​രെ കു​റ​വാ​ണ്​ ഇ​ക്കാ​ല​ത്ത്.