സൗദി-ഇറാൻ നയതന്ത്രബന്ധം; മേഖലയിൽ സുരക്ഷയും സുസ്ഥിരതയും നിലനിർത്തും- കുവൈത്ത് വിദേശകാര്യ മന്ത്രി

കു​വൈ​ത്ത് സി​റ്റി: റി​യാ​ദി​ലെ ജി.​സി.​സി സെ​ക്ര​ട്ടേ​റി​യ​റ്റി​ൽ ന​ട​ന്ന ജി.​സി.​സി മ​ന്ത്രി​ത​ല യോ​ഗ​ത്തി​ന്റെ 155-ാമ​ത് സെ​ഷ​നി​ൽ വി​ദേ​ശ​കാ​ര്യ മ​ന്ത്രി ശൈ​ഖ് സ​ലിം അ​ബ്ദു​ല്ല അ​ൽ ജാ​ബി​ർ അ​സ്സ​ബാ​ഹ് കു​വൈ​ത്ത് പ്ര​തി​നി​ധി സം​ഘ​ത്തെ ന​യി​ച്ചു. സം​യു​ക്ത ഗ​ൾ​ഫ് പ്ര​വ​ർ​ത്ത​ന​ത്തെ പി​ന്തു​ണ​ക്കു​ന്ന​തി​നു​ള്ള അ​ജ​ണ്ട​യി​ലെ ഇ​ന​ങ്ങ​ളും പ്ര​മേ​യ​ങ്ങ​ളും യോ​ഗം ച​ർ​ച്ച​ചെ​യ്തു. പ്രാ​ദേ​ശി​ക, അ​ന്ത​ർ​ദേ​ശീ​യ പ്ര​ശ്ന​ങ്ങ​ളും, ഏ​കോ​പ​ന ച​ട്ട​ക്കൂ​ടു​ക​ളും ച​ർ​ച്ച​യി​ൽ എ​ത്തി. യോ​ഗ​ത്തോ​ട​നു​ബ​ന്ധി​ച്ച് ശൈ​ഖ് സ​ലിം സൗ​ദി മ​ന്ത്രി ഫൈ​സ​ൽ ബി​ൻ ഫ​ർ​ഹാ​ൻ അ​ൽ സൗ​ദ് രാ​ജ​കു​മാ​ര​നു​മാ​യി കൂ​ടി​ക്കാ​ഴ്ച ന​ട​ത്തി.

സൗ​ദി​യും-​ഇ​റാ​നും ത​മ്മി​ലു​ള്ള ന​യ​ത​ന്ത്ര​ബ​ന്ധം പു​ന​രാ​രം​ഭി​ക്കു​ന്ന​തി​നു​ള്ള തീ​രു​മാ​ന​വും ചൈ​നീ​സ് പ്ര​സി​ഡ​ന്റി​ന്റെ മു​ൻ​കൈ​യോ​ടെ ന​ട​ന്ന ച​ർ​ച്ച​യും കൂ​ടി​ക്കാ​ഴ്ച​യി​ൽ ശൈ​ഖ് സ​ലിം പ്ര​ശം​സി​ച്ചു. മേ​ഖ​ല​യി​ലെ സു​ര​ക്ഷ​യും സു​സ്ഥി​ര​ത​യും നി​ല​നി​ർ​ത്തു​ന്ന​തി​നു​ള്ള ന​ല്ല ന​ട​പ​ടി​യാ​ണ് ക​രാ​റെ​ന്ന് അ​ദ്ദേ​ഹം വ്യ​ക്ത​മാ​ക്കി. ഇ​രു രാ​ജ്യ​ങ്ങ​ളും ത​മ്മി​ലു​ള്ള സാ​ഹോ​ദ​ര്യ ബ​ന്ധ​ങ്ങ​ളെ​ക്കു​റി​ച്ചും, സം​യു​ക്ത ഗ​ൾ​ഫ് പ്ര​വ​ർ​ത്ത​ന​ത്തെ പി​ന്തു​ണ​ക്കു​ന്ന​തി​നും പ്രോ​ത്സാ​ഹി​പ്പി​ക്കു​ന്ന​തി​നു​മു​ള്ള മാ​ർ​ഗ​ങ്ങ​ളും പ്രാ​ദേ​ശി​ക, അ​ന്ത​ർ​ദേ​ശീ​യ രം​ഗ​ങ്ങ​ളി​ലെ സം​ഭ​വ​വി​കാ​സ​ങ്ങ​ളും ഇ​രു​വ​രും ച​ർ​ച്ച ചെ​യ്തു.