ശൈഖ് സബാഹ് അൽ അഹ്മദ് അൽ ജാബിർ അസ്സബാഹിനെ അനുസ്മരിക്കാൻ ചേർന്ന പ്രത്യേക പാർലമെൻറ് യോഗത്തിൽ സ്പീക്കർ മർസൂഖ് അൽ ഗാനിം സംസാരിക്കുന്നു
കുവൈത്ത് സിറ്റി: ശൈഖ് സബാഹ് അൽ അഹ്മദ് അൽ ജാബിർ അസ്സബാഹിെൻറ നിര്യാണം കുവൈത്തിനെ സംബന്ധിച്ച് ദുരന്തവും പ്രയാസമേറിയതുമാണെന്ന് പാർലമെൻറ് സ്പീക്കർ മർസൂഖ് അൽ ഗാനിം പറഞ്ഞു.
ശൈഖ് സബാഹിനെ അനുസ്മരിക്കാൻ ചേർന്ന പ്രത്യേക പാർലമെൻറ് യോഗത്തിൽ സംസാരിക്കുകയായിരുന്നു അദ്ദേഹം. തെൻറ ജനതയോട് നീതി പുലർത്തിയ, അവരുടെ ആവശ്യങ്ങൾ പൂർത്തീകരിക്കാൻ ശ്രമിച്ച, അവരുടെ ക്ഷേമവും രാജ്യത്തിെൻറ പുരോഗതിയും ലക്ഷ്യമാക്കിയ നേതാവായിരുന്നു ശൈഖ് സബാഹ്. മേഖലയിൽ അദ്ദേഹം സമാധാന ദൂതനായിരുന്നു. അറബ്, ഇസ്ലാമിക രാജ്യങ്ങൾക്കിടയിലെ പ്രശ്നങ്ങൾ പരിഹരിക്കാൻ കഠിനപ്രയത്നം നടത്തി. ഫലസ്തീൻ ജനതയുടെ ന്യായമായ അവകാശങ്ങൾക്കൊപ്പം എപ്പോഴും നിലയുറപ്പിച്ചു. കുവൈത്ത് ഭരണഘടനയുടെ സംരക്ഷകനായിരുന്നു അദ്ദേഹമെന്നും കനിവുള്ള ഹൃദയം അദ്ദേഹത്തിനുണ്ടായിരുന്നുവെന്നും മർസൂഖ് അൽ ഗാനിം കൂട്ടിച്ചേർത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.