കവർച്ച സംഘത്തിൽനിന്ന് പിടികൂടിയ വാഹനങ്ങൾ
കുവൈത്ത് സിറ്റി: കുവൈത്തിൽ 50 കളവ് കേസുകളിൽ പ്രതിയായ ആറംഗസംഘം പിടിയിൽ. അഞ്ച് കുവൈത്തികളും ഒരു ബിദൂനിയും അടങ്ങുന്ന സംഘമാണ് പിടിയിലായത്. കഴിഞ്ഞ ഒന്നര വർഷത്തിനിടെ 50ലേറെ വാഹന മോഷണം നടത്തിയതായി പ്രതികൾ ചോദ്യം ചെയ്യലിൽ സമ്മതിച്ചു. മോഷ്ടിച്ച വാഹനങ്ങൾ പൊളിച്ചുവിൽക്കുകയായിരുന്നു ഇവരുടെ രീതി. ആദ്യം രണ്ടുപേരെ അറസ്റ്റ് ചെയ്യുകയും തുടർന്ന് അന്വേഷണം ഇവരുടെ പങ്കാളികളിലേക്ക് നീളുകയുമായിരുന്നു. മോഷ്ടിച്ച വാഹനങ്ങൾ ഉപയോഗിച്ച് പ്രതികൾ പൊലീസ് ചമഞ്ഞ് വിദേശികളെ കവർച്ച നടത്തിയതായും അന്വേഷണ ഉദ്യോഗസ്ഥർ വ്യക്തതമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.