സു​ഡാ​ന് ആ​ശ്വാ​സ​വു​മാ​യി കു​വൈ​ത്ത്

കു​വൈ​ത്ത് സി​റ്റി: കി​ഴ​ക്ക​ൻ ഛാഡി​ലെ കു​ടി​യൊ​ഴി​പ്പി​ക്ക​പ്പെ​ട്ട സു​ഡാ​നി​ക​ൾ​ക്ക് ആ​ശ്വാ​സ​വു​മാ​യി കു​വൈ​ത്ത് ചാ​രി​റ്റി സം​ഘ​ട​ന​യാ​യ ത​ൻ​മി​യ. ഇ​വി​ടെ ആ​യി​ര​ങ്ങ​ൾ​ക്ക് ഭ​ക്ഷ​ണ​വും ആ​രോ​ഗ്യ സ​ഹാ​യ​വും വി​ത​ര​ണം ചെ​യ്ത​താ​യി സം​ഘ​ട​ന അ​റി​യി​ച്ചു. അ​രി, എ​ണ്ണ, മാ​വ്, പ​ഞ്ച​സാ​ര തു​ട​ങ്ങി​യ അ​വ​ശ്യ ഭ​ക്ഷ്യ​വി​ത​ര​ണ​ങ്ങ​ളും പോ​ഷ​കാ​ഹാ​ര​ക്കു​റ​വ് പ​രി​ഹ​രി​ക്കാ​നു​ള്ള മ​രു​ന്നു​ക​ളും വി​ത​ര​ണം ചെ​യ്ത​വ​യി​ൽ ഉ​ൾ​പ്പെ​ടു​ന്നു.

രാ​ജ്യ​ത്തെ സം​ഘ​ർ​ഷ​വും പ്ര​കൃ​തി​ക്ഷോ​ഭ​വും കാ​ര​ണം വ്യാ​പ​ക​മാ​യ കു​ടി​യൊ​ഴി​പ്പി​ക്ക​ലും ഗു​രു​ത​ര​മാ​യ മാ​നു​ഷി​ക സാ​ഹ​ച​ര്യ​ങ്ങ​ളും നേ​രി​ടു​ക​യാ​ണ് സു​ഡാ​നി​ലെ ജ​ന​ങ്ങ​ൾ. ഇ​വ​ർ അ​ടി​സ്ഥാ​ന മാ​നു​ഷി​ക സേ​വ​ന​ങ്ങ​ളു​ടെ അ​ഭാ​വ​ത്തി​ൽ വ​ള​രെ ബു​ദ്ധി​മു​ട്ടു​ള്ള അ​വ​സ്ഥ​യി​ലാ​ണെ​ന്ന് ത​ന്മി​യ​യി​ലെ ഹ്യൂ​മാ​നി​റ്റേ​റി​യ​ൻ വ​ർ​ക്ക് ഡ​യ​റ​ക്ട​റും ഫീ​ൽ​ഡ് എ​യ്ഡ് ഇം​പ്ലി​മെ​ന്റേ​ഷ​ൻ സൂ​പ്പ​ർ​വൈ​സ​റു​മാ​യ ഡോ. ​മു​ഹ​മ്മ​ദ് അ​ൽ റാ​ഷി​ദി പ​റ​ഞ്ഞു.

ഭ​ക്ഷ​ണം, മ​രു​ന്ന്, വെ​ള്ളം, ആ​രോ​ഗ്യ സാ​മ​ഗ്രി​ക​ൾ എ​ന്നി​വ​യു​ടെ ക​ടു​ത്ത ക്ഷാ​മ​വും നേ​രി​ടു​ന്നു. സ​ഹാ​യ കാ​മ്പ​യി​നാ​യി സം​ഘ​ട​ന ഏ​ക​ദേ​ശം 37,000 കു​വൈ​ത്ത് ദീ​നാ​ർ അ​നു​വ​ദി​ച്ചി​ട്ടു​ണ്ടെ​ന്നും അ​ൽ റാ​ഷി​ദി സൂ​ചി​പ്പി​ച്ചു. കു​വൈ​ത്ത് സാ​മൂ​ഹി​ക​കാ​ര്യ മ​ന്ത്രാ​ല​യം, വി​ദേ​ശ​കാ​ര്യ മ​ന്ത്രാ​ല​യം എ​ന്നി​വ​രു​മാ​യി ഏ​കോ​പി​പ്പി​ച്ചാ​ണ് സ​ഹാ​യം എ​ത്തി​ക്കു​ന്ന​ത്. അ​ഭ​യാ​ർ​ഥി​ക​ൾ​ക്ക് ടെ​ന്റു​ക​ളും ന​ൽ​കും.