എണ്ണവിപണിയുടെ മോശം കാലം കഴിഞ്ഞു –ഒപെക്​ സെക്രട്ടറി ജനറൽ

കുവൈത്ത്​ സിറ്റി: എണ്ണവിപണിയുടെ ഏറ്റവും​ മോശം കാലം കഴിഞ്ഞെന്ന്​ എണ്ണ കയറ്റുമതി രാഷ്​ട്രങ്ങളുടെ കൂട്ടായ്​മയായ ഒപെക്​ സെക്രട്ടറി ജനറൽ മുഹമ്മദ്​ ബാർകിൻഡോ പറഞ്ഞു. കോവിഡ്​ പ്രതിസന്ധി എണ്ണവിപണിയെ ബാധിച്ചു. പെട്രോളിയത്തി​െൻറ ചരിത്രത്തിൽ ഇല്ലാത്ത പ്രതിസന്ധിയും വിലയിടിവുമാണ്​ കഴിഞ്ഞ ഏപ്രിലിൽ ഉണ്ടായത്​. വിലയിടിവിനൊപ്പം ഡിമാൻഡ്​ ഇല്ലാത്തതിനാൽ സംഭരണ ശേഷിയും വെല്ലുവിളി നേരിട്ടു. എന്ത്​ ചെയ്യണമെന്നറിയാതെ സ്​തംഭിച്ചുപോയ ആ ഘട്ടം പിന്നിട്ടു. അതിലും വലിയ വെല്ലുവിളി ഇനി വരാനില്ല.

വരും വർഷങ്ങളിൽ ഡിമാൻഡ്​ കൂടുമെന്ന്​ തന്നെയാണ്​ വിലയിരുത്തൽ. 2045 വരെയെങ്കിലും പെട്രോളിയത്തെ ആശ്രയിക്കാതെ ലോകത്തിന്​ മുന്നോട്ടുപോവാനാവില്ല.അടുത്ത വർഷം ഡിമാൻഡ്​ പ്രതിദിനം 99.8 ദശലക്ഷം ബാരൽ ആവും. 2024ഒാടെ 102.6 ദശലക്ഷം ബാരൽ ആയും 2030ൽ 107.2 ദശലക്ഷം ബാരൽ ആയും ഡിമാൻഡ്​ വർധിക്കുമെന്നാണ്​ പ്രതീക്ഷയെന്ന്​ 'വേൾഡ്​ ഒായിൽ ഒൗട്ട്​ലുക്ക്​' പുസ്​തക പ്രകാശനത്തോടനുബന്ധിച്ച്​ അദ്ദേഹം പറഞു.