ലോ​ക​ത്തെ​ല്ലാ​യി​ട​ത്തും വാ​ക്​​സി​ൻ വി​ത​ര​ണം ഉ​റ​പ്പാ​ക്ക​ണ​മെ​ന്ന്​ കു​വൈ​ത്ത്​

കു​വൈ​ത്ത്​ സി​റ്റി: ലോ​ക​ത്തെ​ല്ലാ​യി​ട​ത്തും ന്യാ​യ​വും സു​ര​ക്ഷി​ത​വു​മാ​യ വാ​ക്സി​ൻ വി​ത​ര​ണം ഉ​റ​പ്പാ​ക്ക​ണ​മെ​ന്ന്​ കു​വൈ​ത്ത്. സ​മ​ഗ്ര​മാ​യ രോ​ഗ​പ്ര​തി​രോ​ധം എ​ന്ന ല​ക്ഷ്യം കൈ​വ​രി​ക്കാ​ൻ ആ​ഗോ​ളാ​ടി​സ്ഥാ​ന​ത്തി​ൽ വാ​ക്സി​ൻ വി​ത​ര​ണം ഊ​ർ​ജി​ത​മാ​ക്ക​ണ​മെ​ന്നും യു.​എ​ൻ പൊ​തു​സ​ഭ​യി​ൽ കു​വൈ​ത്ത് ആ​വ​ശ്യ​പ്പെ​ട്ടു. കു​വൈ​ത്ത് അ​മീ​റി​നെ പ്ര​തി​നി​ധാ​നം​ചെ​യ്​​ത്​ ഐ​ക്യ​രാ​ഷ്​​ട്ര​സ​ഭ ജ​ന​റ​ൽ അ​സം​ബ്ലി​യി​ൽ സം​സാ​രി​ക്ക​വെ പ്ര​ധാ​ന​മ​ന്ത്രി ശൈ​ഖ്​ സ​ബാ​ഹ് ഖാ​ലി​ദ് അ​ൽ ഹ​മ​ദ്​ അ​സ്സ​ബാ​ഹാ​ണ് ഇ​ക്കാ​ര്യം പ​റ​ഞ്ഞ​ത്. ആ​ഗോ​ള​ത​ല​ത്തി​ലെ വാ​ക്സി​ൻ വി​ത​ര​ണ പ​ദ്ധ​തി​ക​ൾ​ക്കാ​യി കു​വൈ​ത്ത് 327.4 ദ​ശ​ല​ക്ഷം ഡോ​ള​ർ സം​ഭാ​വ​ന ന​ൽ​കി​യ​താ​യും പ്ര​ധാ​ന​മ​ന്ത്രി പ​റ​ഞ്ഞു.

സാ​മ്പ​ത്തി​ക​മാ​യി പി​ന്നാ​ക്കം നി​ൽ​ക്കു​ന്ന രാ​ജ്യ​ങ്ങ​ൾ​ക്ക് കൂ​ടി കോ​വി​ഡ് പ്ര​തി​രോ​ധ​വാ​ക്സി​ൻ ല​ഭ്യ​മാ​ക്കു​ക എ​ന്ന ല​ക്ഷ്യ​ത്തോ​ടെ​യാ​ണ് കു​വൈ​ത്തി​െൻറ സ​ഹാ​യം. ലോ​കാ​രോ​ഗ്യ​സം​ഘ​ട​ന​യും ഗാ​വി വാ​ക്സി​ൻ അ​ല​യ​ൻ​സും സം​യു​ക്ത​മാ​യി ന​ട​ത്തി​വ​രു​ന്ന കൊ​വാ​ക്സ് പ​ദ്ധ​തി​ക്ക് 40 ദ​ശ​ല​ക്ഷം ഡോ​ള​ർ ന​ൽ​കി​യ​താ​യും പ്ര​ധാ​ന​മ​ന്ത്രി സൂ​ചി​പ്പി​ച്ചു. കു​വൈ​ത്തി​ൽ ജ​ന​സം​ഖ്യ​യു​ടെ 72 ശ​ത​മാ​ന​ത്തി​ന്​ ആ​ഗോ​ള​ത​ല​ത്തി​ൽ അം​ഗീ​ക​രി​ക്ക​പ്പെ​ട്ട കോ​വി​ഡ് പ്ര​തി​രോ​ധ കു​ത്തി​വെ​പ്പ് ന​ൽ​കി. രാ​ജ്യ​ത്തെ വി​ദേ​ശി​സ​മൂ​ഹ​ത്തി​നും സൗ​ജ​ന്യ​മാ​യാ​ണ് വാ​ക്സി​ൻ ന​ൽ​കി​യ​ത്. കോ​വി​ഡി​നെ​തി​രെ​യു​ള്ള പോ​രാ​ട്ട​ത്തി​ലെ മു​ന്ന​ണി​പ്പോ​രാ​ളി​ക​ളാ​യ ലോ​ക​ത്താ​ക​മാ​ന​മു​ള്ള ആ​രോ​ഗ്യ​പ്ര​വ​ർ​ത്ത​ക​ർ​ക്ക്​ അ​ദ്ദേ​ഹം ന​ന്ദി പ​റ​ഞ്ഞു. കോ​വി​ഡ് ആ​ഗോ​ള​ത​ല​ത്തി​ൽ ഉ​ണ്ടാ​ക്കി​യ പ്ര​ത്യാ​ഘാ​ത​ങ്ങ​ൾ ഏ​റെ വ​ലു​താ​ണെ​ങ്കി​ലും മാ​റ്റ​ത്തി​നും പു​ന​ർ​നി​ർ​മാ​ണ​ത്തി​നു​മു​ള്ള പ്രേ​ര​ണ കൂ​ടി​യാ​ണ​തെ​ന്നും പ്ര​ധാ​ന​മ​ന്ത്രി കൂ​ട്ടി​ച്ചേ​ർ​ത്തു.